seksot-e-neophoden-za-dobro-zdravje_1
Споделете со пријателите!

Истражувањата и искуството потврдуваат дека сексуалното здравје е многу важно за целокупното здравје на организмот, како на душата, така и на телото, па дури претставува и лек против болки и несоница
Интимноста и сексот се многу важен дел од животот, но и здравјето на луѓето. Но, не секаков вид на секс има здравствени придобивки. Сексот без обврски може да биде причина за уште поголема осаменост и депресија. Покрај таложењето на негативните емоции и тагата поради честото менување на сексуалните партнери, постојат и други ризици, како што се на пример сексуално преносливите болести или пак, несакана бременост. Сепак, се подразбира дека секој зрел возрасен човек ги знае ризиците од незаштитен секс, но малкумина се оние кои ги знаат бенефитите од практикување редовен секс со постојан партнер. Еве неколку од нив:

1. Сексот го одржува срцето и крвниот притисок во добра форма

Сексот е една од најдобрите кардио-вежби. Со секс се трошат околу пет калории во минута и за време на оваа активност се вежбаат повеќе групи на мускули. Една студија ја потврдува поврзаноста помеѓу сексот и намалувањето на крвниот притисок, според Д-р Џозеф Џ. Пинзон – Joseph J. Pinzone, извршен директор во Amai Wellness. „Постојат многу студии“ – вели тој. „Една важна студија откри дека сексуалните односи го намалувале систолниот крвен притисок“ – истакнува овој доктор.

2. Сексот го балансира нивото на стрес и го зајакнува имунитетот

Редовниот секс го намалува крвниот притисок и го намалува ризикот од срцев удар со тоа што го редуцира негативното влијание на хормонот на стресот и воедно го подобрува имунитетот. Сексуалното возбудување ослободува хемикалија во мозокот – хормон окситоцин, кој дава чувство на задоволство. „Сексуално активните луѓе имаат помалку болни денови“ – изјавува Д-р Ивон К. Фулбрајт – Yvonne K. Fulbright, експерт за сексуално здравје. Луѓето кои практикуваат секс имаат повисоки одбранбени нивоа против бактерии, вируси и останати напаѓачи и инфекции. Истражувачите од Вилкес Универзитетот во Пенсилванија – Wilkes University in Pennsylvania открија дека студентите кои имале секс еднаш или два пати во неделата имале поголеми нивоа на антитела, во споредба со студентите кои имале секс поретко.

3. Секс за здрава психа

Само здравите меѓучовечки врски (пријателски и љубовни) помагаат да останеме позитивни и среќни, а тоа е клучот за добро психичко здравје. Луѓето кои немаат или имаат само неколку блиски пријатели се изложени на поголем ризик од срцеви болести и останати болести предизвикани од стрес. Истото важи и за оние луѓе кои одбегнуваат да стапат во интимна љубовна врска. Хормоните на уживањето што ги поттикнува сексот, даваат чувство на сигурност, смиреност и повеќе нè зближуваат со партнерот. 

Прочитајте:  Состојба со грип во Република Македонија, сезона 2018/2019
за 52-та недела

4. Секс против болки

Пред да посегнете по апче против болки, обидете се болките да ги ликвидирате со оргазам. „Оргазмот може да ја блокира болката“ – вели Д-р Бери Р. Комисарук – Barry R. Komisaruk реномиран професор во Рутгерс, Државниот Универзитет во Њу Џерси – Rutgers, the State University of New Jersey. Добриот секс, па дури и интимните стимулации без оргазам, ослободуваат во телото хормон кој помага да се зголеми прагот на болката.

5. Сексот го подобрува спиењето

Сексот не само што ја сузбива депресијата, туку и несоницата. Не без причина после добар секс подобро се спие – полесно се заспива и сонот е поквалитетен. „После оргазам, се излачува хормонот пролактин, кој е одговорен за чувството на релаксираност и поспаност“ – изјавува Шени Амбардар – Sheenie Ambardar, психијатар од Западен Холивуд, Калифорнија – West Hollywood, California.


Споделете со пријателите!