dali-prirodnite-afrodizijaci-navistina-deluvaat
Споделете со пријателите!

Ви ја откриваме вистината за афродизијаците. Откријте кои се вистински природни афродизијаци, а кои се мит
Чоколадото, зачинетата храна, остригите, медот, се сметаат за видови храна што го поттикнуваат либидото. Сите тие се вкусни и имаат богата хранлива вредност, но според новото испитување, не се природни афродизијаци. 

Новото истражување е спроведено со цел да им помогне на оние со сексуална дисфункција. Испитани се неколку продукти кои важат за природни афродизијаци. Ви откриваме кои од нив навистина имаат афродизијачко дејство, а кои се мит.

Чоколадо

Тоа има бројни позитивни својства, антиоксиданс е, добро е за срцето и го намалува крвниот притисок. Сепак, низата на придобивки од негово консумирање застанува кај афродизијачкото дејство. Истражувачите посочуваат дека ова верување е поврзано со високото ниво на серотонин што се испушта во мозокот, додека се консумира чоколадо, кое се поврзува со сексуалната желба. Истражувањата кои компаративно третирале две групи (едни кои консумираат чоколадо, а други не), не пронашле разлика во поттикнување на либидото.

Мед

Верувањето дека медот има афродизијачка моќ е само мит.  Тој на ниеден начин не делува за поттикнување на сексуалната желба. Истражувачите предупредуваат за еден производ на база на мед, наречен „луд мед“, кој се продава како сексуален стимуланс, дека содржи отровни материи па најдобро е да се избегнува.

Остиги

За нив, како и воопшто, за морската храна, отсекогаш се сметало дека се афродизијак, бидејќи содржат цинк, потребен за формирање на тестостерон. Исто така, тие содржат и аминокиселини и серотонин, но сепак, немаат никаков ефект за поттикнување на сексуалната желба.

Прочитајте:  Неколку совети како да го намалите шеќерот од вашата исхрана

Гинко билоба

Таа се смета за најстара билка на светот а гинко суплементите се користат за подобрување на меморијата и за лечење депресија. Што се одесува до афродизијачкото дејство, таа помага телото да се опушти преку забрзување на протокот на крв. Таа делумно помага за зголемување на сексуалната желба.

Мака

Коренот од Андите се користи за зголемување на фертилитетот, за поголема сексуална возбуда, регулирање на хормоните и за намалување на топлите бранови за време на менопаузата. Истражувањета покажуваат ветувачки резултати за подобрување на сексуалната функција кај жените и подобрување на еректална дисфункција кај мажите.

Сумираните резултати укажуваат дека најветувачки резултати имаат жен-шен, мака и гинко билобата кои и понатаму ќе се испитуваат. Ова испитување покажува дека за најдобри резултати, пред сè, треба да се внимава на здравата исхрана.


Споделете со пријателите!