namalen-vishok-kilogrami-namalen-rizik-za-razvivanje-na-oa-na-koleno_image
Споделете со пријателите!

Со кои остеоартритични промени најчесто се соочува вашиот коленов зглоб?
Дури и само неколкуте изгубени килограми го намалуваат ризикот од развивање на ОА на колено. Прелиминарните студии укажуваат на тоа дека губењето на вишокот килограми значително ја намалува болката кај оние со ОА на колено.

Остеоартритис е најчестото нарушување со истовремена појава на симптоми во рацете, колената, колковите, грбот и вратот. Не е потполно разјаснето како вишокот телесна тежина влијае, но повеќе од јасно е дека прекумерната телесна тежина го зголемува притисокот во зглобовите, зголемувајќи го оптоварувањето и потенцирајќи ги дегенеративните промени на ‘рскавицата. Со овие остеоартритични промени најчесто се соочува коленовиот зглоб.

Меѓутоа, прекумерната тежина е поврзана со повисоки стапки на ОА, што во некои студии укажуваат на вклучување и на циркулирачки системски фактор како етиолошки причинител.

so-namalen-vishok-kilogrami-do-namalen-rizik-za-razvivanje-na-oa-na-koleno_imageСамо со 10 килограми прекумерна тежина се зголемува силата на притисок врз коленото од 30 до 60 килограми со секој изминат чекор. Според истражувачите на Универзитетот во Калифорнија, Сан Франциско (UCSF), чиишто наоди неодамна беа објавени во интернет списанието Radiology, студиите постојано покажуваат корелација измеѓу прекумерната тежина и ОА на коленото. Губењето на вишокот килограми може да помогне во зачувување на ‘рскавицата на коленото кај луѓето кои веќе имаат или се изложени на ризик од остеоартритис на коленото, „‘Рскавицата е гумена, масна капа која ги покрива краевите на горната бутна и долните долги коски на нозете кои го сочинуваат коленото“. Нивната студија, исто така, покажала дека намалувањето на барем неколку додатни килограми врши протекција врз менисусите – „влошки“ во облик на полумесец, кои го заштитуваат коленениот зглоб. Водечкиот автор Александра Герсинг, доктор по медицина, постдокторски научник на UCSF Факултетот за медицина, вели дека ова е особено важно затоа што руптуриран или оштетен менискус значително може да го забрза процесот на дегенерација на коленото во целост.

Преголемата телесна тежина е јасен фактор на ризик за развој на ОА. Податоците од првото Национално истражување за испитување на исхрана и исхрана (HANES I) укажаа на тоа дека обезните жени имале скоро 4 пати поголем ризик од ОА на коленото во споредба со не-обезни жени; за обезни мажи, ризикот беше речиси 5 пати поголем.

Што значи всушност губењето на телесна тежина за еден човек кој пројавува остеоартрититични тегоби?

Ако сте и вие со прекумерна тежина, вашите шанси за остеоартритис во коленото се четири до пет пати повисоки од останатите. Губењето на телесната тежина може да помогне да се спречи а воедно и да се третира, – но на кој начин ? Доколку веќе се соочувате со овие симптоми, еве неколку од можните начини: Ублажување на притисокот врз зглобовите, како што се зглобот на колкот и коленото. Колку е помала дополнителна тежина што треба да ја носите, толку помалку се соочувате со разјадување и раскинување на вашата згобна површина.

Статистички гледано, губењето на само 10 килограми може да одземе 30 до 40 килограми притисок во колената додека чекорите.

Тоа може да ги намали нивоата и на цитокините кои предизвикуваат инфламација и појава на оток. Се создаваат протеини кои можат да предизвикаат локален оток и можат негативно да влијаат резултирајќи со оштетени зглобови. Не се залажувајте, не постои тајна и трајна формула за губење на тежината кога имате ОА. Се работи за поголема физичка активност и поздрава диета. Но, на самиот почеток е тешко да се направат сите тие промени. Затоа, експертите препорачуваат дека Вам ви е потребен структуриран план што ќе можете доследно да го следите, редовно да се придржувате до него и да не ги прекршите неговите правила.

Прочитајте:  Синдром на скокачко колено

„Особено сакам да ја нагласам важноста на стратегиите за индивидуална терапија и интервенциите за подобрување на животниот стил, со цел да се спречи дегенерација на зглобот што било чест симптом порано кај пациентите со прекумерна телесна тежина“, вели д-р Герсинг во едно од своите излагања поврзани со оваа проблематика. Веќе многу студии ги разгледале ефектите од вишокот на прекумерната тежина врз коленото, но јасно е дека ова е прва студија која го испитува долгорочниот ефект на губење на тежината, врз дегенеративните промени на ‘рскавицата и менискусите.

„Потребно е континуирано да се охрабруваат пациентите со остеоартритис да бидат што е можно повеќе физички активни“

„Губењето на тежината се чини дека има протективно дејство врз колената затоа што може да го забави влошувањето на симптомите, а особено болката“, вели таа. Исто така е важно да се контролираат одредени метаболни фактори на ризик, како што се високиот крвен притисок и дијабетесот.

Кога станува збор за вашата физичката активност, како сметате дека би било подобро – кога таа е ваша секојдневна навика или кога едноставно премине во ваш стил на живот? Изборот е во ваши раце!


Споделете со пријателите!