Истегнувањето најчесто ги погодува предните и задните мускули на долните ектремитети.
Вообичаените повреди со кои може да се здобиете при трчањето обично се случуваат кога водите грижа и не го подготвувате соодветно вашето тело пред и по напорниот тренинги. Прочитајте кои се најчестите повреди и состојби со кои може да се соочи вашето тело за време на трчањето, како да ги спречите и како да излекувате дел од нив.
Ахилов тендинитис
Ахиловиот тендинитис е воспаление на Ахиловата тетива којашто се наоѓа на задниот дел од ногата на местото каде што се спојуваат мускулот на потколеницата и коската на петата. Ахиловиот тендинитис предизвикува болка и вкочанетост во пределот на тетивата, особено наутро и за време на правење некоја физичка активност.
Третманот за лечење на ахиловиот тендинитис вклучува:
- одмор;
- покривање на областа со студени облоги;
- вежби за истегнување на задниот мускул на ногата.
Истегнат мускул
Истегнат мускул е честа повреда при трчање. Најчесто оваа повреда е предизвикана од недоволно загревање на мускулите пред трчањето.
Истегнувањето најчесто ги погодува предните и задните мускули на долните ектремитети.
Третманот за лекување на истегнат мускул вклучува:
- одмор;
- покривање на областа со студени облоги;
- компресија на повредениот мускул;
- подигнување на нозете.
Истегнат скочен зглоб
Оваа повреда претставува може да вклучи истегнување или кинење на лигаментите околу глуждот. Често се случува кога ногата се превиткува при трчањето.
Третманот за лекување на истегнат зглоб вклучува:
- одмор;
- покривање на областа со студени облоги;
- компресија на повредениот мускул;
- подигнување на нозете.
Плантарен фасцитис
Плантарниот фасцитис е воспаление на ткивото во дното на ногата што се протега од петата до прстите. Луѓето со стегнати задни мускули се повеќе склони кон појава на плантарниот фасцитис. Оваа повреда иако може да биде поврзана со зголемување на физичката активност, често може да се случи без очигледна причина.
Третманот за лекување на плантарен фасцитис вклучува:
- истегнување на задните мускули на нозете;
- одмор;
- ставање на ладни облоги на стапалото.
Тркачко колено
Оваа повреда предизвикува болка на надворешноста на коленото. Повредата тркачко колено случува кога лигаментот кој се протега долж надворешноста на бутот, од врвот на колкот до надворешноста на коленото, ја трие коската на коленото, предизвикувајќи воспаление.
Третманот за лекување на тркачко колено вклучува:
- намалување со трчањето;
- добро истегнување пред трчање;
- ставање на студени облоги по завршување со тренингот.
Плускавци на стапалата
Плускавците, познати и како плуски, се торбички полни со течност што се појавуваат на површината на кожата. Тие најчест се предизвикани од триење меѓу чевлите, патиките, чорапите и кожата на стапалата.
За да ја спречите појавата на плускавци на нозете:
- менувајте ги патиките за трчање;
- носете подебели чорапи;
- намачкајте ги деловите на стапалата кои ви се подложни на плускавци.
Повреди или состојби поврзани со температурата
Освен истегнување на мускулите и зглобовите, при трчањето треба да се внимава на надворешната температура заради која телото може да се соочи со:
- сончаница;
- исцрпеност заради прекумерна топлина;
- замрзнатост на кожата на телото;
- хипотермија.
