Аспиринот погрешно се препишува при атријална фибрилација (преткоморна аритмија)
Атријална фибрилација (АФ) е нарушување на срцевиот ритам кој настанува во преткоморите. Оваа преткоморна аритмија претставува и најчеста аритмија за која е неопходно лечење. Третманот на атријална фибрилација се постигнува со помош на тројна терапија и тоа: антиаритмична терапија, терапија за контрола на фреквенцијата и антикоагулантна терапија. При атријална фибрилација се користат орални антикоагуланси по шема од видот на витамин К антагонисти (кумадин, аценокумарол итн.)
Аспиринот погрешно се препишува за атријална фибрилација (преткоморна аритмија) за превенирање на срцев удар, се податоците од новото истражување.
Во 1950-та година, аспиринот влезе во Гинисовата книга на рекорди како најпродаван лек на светот, а денес се користи за олеснување на повеќе од 50 различни симптоми. На околу 40 проценти од АФ пациентите, им се заканува ризик за срцев удар, бидејќи заради возраста или други состојби, им се препишува аспирин наместо препорачаните антикоагуланси.
„Аспиринот не е антикоагуланс, и поради тоа не е ефективен при превенирање на срцев удар кај АФ пациентите“, вели д-р Семјуел Ван.
Исто така, и покрај тоа што се смета дека жените се во поголем ризик за срцев удар, на мажите почесто им се препишуваат антикоагуланси. Истражувањето било спроведено врз медицинските податоци од над 210 илјади пациенти ризик од АФ во САД, прикажувајќи ги несоодветните препишани терапии. Лекарите кои што ги спроведоа ова истражување, исто така истакнуваат и дека можеби лекарите не се секогаш свесни за новите препораки или за високиот ризик од удар кај некои пациенти, како и тоа дека некои пациенти одбиваат да земаат антикоагуланси поради стравот од крварење. Заклучоците од истражувањето се дека околу 40 проценти од ризичните групи биле третирани само со аспирин, а 60 проценти со антикоагуланси.
Според последните препораки, пациентите со АФ кои што се 65 години и постари, како и оние со најмалку уште една здравствена состојба како висок крвен притисок, дијабетес или претходен срцев удар, треба да примаат антикоагуланси.
