movember-erektilna-disfunkcija_2
Споделете со пријателите!

Импотенцијата е проблем кој може да биде предизвикан од неколку фактори. Информираноста за причините за импотенција може да биде од големо значење за мажите.
„Импотенцијата целосно го менува животот на мажот и неговата самодоверба без разлика на неговата возраст“

Импотенцијата не е ретка појава меѓу мажите, а ризикот од појава на импотенција расте паралелно со возраста кај мажите. Според некои истражувања, мажите кои имаат над 60 години имаат поголеми шанси за импотенција за разлика од мажите кои се во нивните четириесетти години. Многумина од мажите на возраст од 40-70 години се соочуваат со некаков вид на импотенција. Овој факт не треба да се занемарува, па поради тоа убаво е да се знае кои се причините за појавата на оваа состојба кај мажите.

Дијабетес

Дијабетесот е заболување кое може да предизвика импотенција. Дијабетесот влијае врз нивото на хормоните во организмот, а може да влијае и на намалената циркулација на крвта. И двете состојби може да придонесат за појава на импотенција. Но, навремените проверки на нивото на шеќер во крвта всушност го минимизираат ризикот од појава на оваа состојба.

Невролошки заболувања

Некои невролошки заболувања се познати по тоа што предизвикуваат импотенција кај некои мажи. Ваквите заболувања може да ја попречат врската помеѓу мозокот и репродуктивниот систем, што доведува до неможност за постигнување ерекција, односно импотенција. Некои од невролошките заболувања кои се поврзуваат со импотенција се:

Операцијата на простатата или мочниот меур може да ги оштети нервите и крвните садови во тој предел и да доведе до привремена импотенција (состојба која може самостојно да се подобри од 6-18 месеци потоа) или трајна импотенција (состојба која бара редовни третмани за можно подобрување).

Лекови

Одредени лекови може да влијаат на циркулацијата на крвта, а тоа да доведе до импотенција. Постојат многу лекови кои би можеле да влијаат на оваа состојба, но тоа не значи дека тие исто делуваат кај сите мажи. Ако кај еден маж се појави импотенција како резултат на дејството на одреден лек, тоа не значи дека истиот лек ќе предизвика импотенција кај друг маж. Се препорачува да се обратите на лекар доколку забележите дека некој лек негативно ви влијае, а исто така не донесувајте одлуки на своја рака кога станува збор за земањето на лекови. Многу е важно да се консултирате со вашиот лекар кога лековите се во прашање.

Срцеви заболувања

Срцевите заболувања влијаат врз срцето и неговата способност за испумпување на крв во крвните садови. Нарушената циркулацијата на крвта може да доведе до импотенција. Високиот крвен притисок и високиот холестерол во крвта може исто така да го зголемат ризикот за појава на импотенција.

Емоционални нарушувања и животен стил

Одредени емоционални нарушувања се поврзани со импотенцијата. Депресијата, стресот, ниската самодоверба и вознемиреноста можат да влијаат врз појавата на импотенција. Овие психолошки фактори дури може да ја влошат состојбата кај мажи кои веќе се соочуваат со оваа состојба. Нездравиот животен стил исто така влијае врз сексуалното здравје. Прекумерната тежина, пушењето, дрогите како кокаин и амфетамини и претераното пиење на алкохол се поврзани со појавата на импотенција затоа што може да ги оштетат крвните садови. Редовните вежби се еден од начините да се намали ризикот од оваа состојба. Велосипедистите кои возат на долги релации исто така може да се соочат со привремена импотенција затоа што нервите околу гениталиите се под постојан притисок додека велосипедистот вози.

Импотенцијата целосно го менува животот на мажот и неговата самодоверба без разлика на неговата возраст. Затоа мажи, обрнете внимание на овие причини за да си овозможите подобар и поздрав живот, а во меѓувреме решето го овој квиз за да си го проверите знаењето за импотенцијата.


Споделете со пријателите!