grozjeto-go-namaluva-rizikot-od-pojava-na-srcevi-bolesti
Споделете со пријателите!

Научниците го испитуваат ефектот на грозјето во намалување на ризик факторите поврзани со кардиоваскуларни болести. Тие сметаат дека грозјето во праксата делува на тој начин, токму поради содржаните во него фитохемикалии (природни антиоксиданси).
Ова истражување било спроведено со цел да се пронајде природно решение за здравствениот проблем кој засега многу Американци: високиот крвен притисок и инсулинска резистентност, што доведуваат до срцеви болести и дијабетес од типот два. Научниците од Универзитетот „Michigan Health System“ ги истражувале ефектите по здравјето од вообичаеното трпезно грозје (бело, црно и црвено). Грозјето било претворено во форма на прав и вметнато во диетата на стаорци заморчиња, како додаток на високо-масната исхрана, којашто е типична за американскиот начин на живот.

„Плодовите од лозата содржат флавоноиди, кои се многу моќни антиоксиданси, кои можат да ја редуцираат штетата од слободните радикали и да го забават стареењето“

Истражувачите правеле многу споредби помеѓу стаорците кои консумирале суплемент од грозје, со контролната група која не консумирала гроздов прав. Во диетата пак, на контролната група, биле додадени додатни калории и шеќери, со цел да се изедначи количеството на шеќери и енергија кои ги внесувале стаорците од експерименталната група преку гроздовиот прав. По три месеци, стаорците во чијашто исхрана бил вметнат прашокот од гроздови плодови, имале понизок крвен притисок, подобра функција на срцето и намалени показатели за срцеви воспаленија, отколку животните кои не консумирале од гроздовиот прав. Оние од првата група, исто така имале пониско ниво на триглицериди и подобрена толеранција на гликоза. Најзачудувачко е тоа што стаорците кои јаделе гроздов прав во тест периодот, немале промена во телесната тежина.

Грозјето има бројни здравствени придобивки. Истражувањето за грозјето, но и другите истражувања врз други овошја коишто содржат високи нивоа на антиоксидативни фитохемикалии, продолжуваат да даваат надеж за болните, но и надеж за успешна превенција на многу срцеви и сродни заболувања.

„Покрај тоа што не постои особена и директна врска помеѓу оваа студија и она што луѓето треба да го прават, многу е интересно да се истакне дека диетата збогатена со овошја со повисоки нивоа на фитохемикалии, како што е грозјето, може да има здравствени придобивки кај луѓето“ – истакнува Стивен Болинг – Steven Bolling кардиохирург при Кардиоваскуларниот центар од Универзитетот во Мичиген и шеф на Истражувачката лабораторија за кардио-заштита.

Прочитајте:  Балансот на „добрите“ и „лошите“ микроорганизми најважни за здравјето

Грозјето ја има способноста да лекува: констипација (запек), проблеми со варењето на храната, замор, проблеми со бубрезите, макуларна дегенерација и да превенира катаракта. Грозјето е богат извор на Витамините: А, Ц и Б6, како и фолна киселина и есенцијални минерали како: калциум, железо, фосфор, магнезиум, селен и калиум. Плодовите од лозата содржат флавоноиди, кои се многу моќни антиоксиданси, кои можат да ја редуцираат штетата од слободните радикали и да го забават стареењето.


Споделете со пријателите!