dobredojde-movembar-01
Споделете со пријателите!

Ноември е со мустаќи
Што е Мовембер? Тоа е Ноемрви со мустаќи (кованица од израз за мустаќи – moustache, „мо“ и месец Ноември – Novemberвембер“), посветен за подигање на свеста за машкото здравје. Зошто? Бидејќи има мало познавање и информираност за здравјето кај мажите. Бидејќи на 1 од 7 мажи ќе му биде дијагностициран рак на простата во текот на животот, додека ракот на тестиси е најчестиот вид на рак кај младите мажи до 35 години, и скоро 3.2 милиони случаи на смрт се поради недоволната физичка активност. Организацијата „Мовембер“ ги поттикнува сите овие прашања и се труди да ја промени оваа статистика.

За „Мовебер“ движењето

„Мовембер“ движењето започнува во 2003 година во Австралија, како идеја на неколку мажи. Движењето вклучувало 30 мажи кои ќе пуштаат мустаќи 30 дена, ќе го привлекуваат вниманието врз себе и тоа ќе го искористат да зборуваат за машкото здравје, со крајна цел, собирање на парични средства кои понатаму одат за истражувања. Ова движење со спонтан почеток, прераснува во светска фондација која до денес има собрано 649 милиони американски долари, со кои се реализирани 823 проекти за подобрување на машкото здравје и брои околу 5 милиони „Мо-браќа“ и „Мо-сестри“. Минатата година, оваа фондација беше на 72 место на најдобри невладини организации во светот. Во кампањата секоја година, се вклучуваат многу светски познати личности од сите области: спортисти, музичари, актери, пратеници, и денес брои многу земји учеснички кои собираат значителна сума на парични средства.

Мовембер во Македонија

dobredojde-movembarИако се одбележува неколку години, ова движење кај нас е видливо последните две години. Се одржува во неколку градови во Македонија, вклучувајќи ги Скопје, Битола, Велес и Ресен. Мовембер Македонија иако неодамна се придружува на светското семејство, веќе има многу поддржувачи и донатори. Минатата година, Драмски театар и Театар Комедија, во чест на Мовембер играа претстави од кои дел од заработувачката отиде како прилог за здружението. Од година во година, во Македонија расте и бројот на доброволци кои сакаат да помогнат, вклучувајќи многу спортисти, јавни личности, актери, спонзори, модни креатори, креативци, лекари и пратеници. Веќе традиционално, на крајот на месецот, се организира голема добротворна забава и на тој начин се завршува овој настан. Годинава, од Мовембер Македонија, ветуваат уште повеќе настани и акции. Приклучете се!

Прочитајте:  Холивудски фитнес трансформации: Ченинг Татум

Мовембер го менува и значењето на мустаќите. Ако мустаќите од минатото означуваа симбол на машкост, мустаќите од иднината означуваат борба за подобар свет, време за промени. Мустаќи како Дали или во стилот на Ајнштајн, навистина не е важно, сѐ додека ги носите со стил. Затоа, без разлика дали лично имате здравствен проблем, или сакате да дадете поддршка на блиска личност или пак сакате да се забавувате за добра кауза, овој месец зборувајте отворено на машкото здравје, бидејќи целта на ова движење е менување на ставови, кршење на табуа, со крајна цел – подобро здравје.


Споделете со пријателите!