pienjeto-na-jogurt-sekoj-den-ve-zastituva-od-dijabetes
Споделете со пријателите!

Студиите покажуваат скромен ефект против болеста, но експертите велат дека покрај јогуртот и целокупната останата исхрана е најдобар пристап за справување со болеста
„Податоците кои ги собравме покажуваат дека консумирањето на јогурт може да има значајна придобивка во намалувањето на ризикот од дијабетес“, изјавува авторот на студијата, Д-р Френк Ху – Frank Hu, професор по исхраната и епидемиологија на Харвардовата Школа за јавно здравство – Harvard School of Public Health во Бостон која е објавена во журналот BMC Medicine.

„Јогурт не е магична напивка за лекување или спречување на дијабетес, но истражувањата покажуваат околу 18 проценти намалување на ризикот“ изјавува Ху. „Со тоа и генералната порака која сакаме да ја пренесеме до луѓето е дека треба да внимаваат на исхраната, односно дека нема замена за здрава исхрана и одржување на „здрава“ телесна тежина“ дополнува Ху.

Кај дијабетес тип 2, телото не произведува доволно инсулин или клетките во телото развиваат отпорност на инсулин, притоа нивото на шеќер во крвта се покачува.

Во студијата, Д-р Ху и неговиот тим обединиле резултати од три големи студии, кои ја следат медицинската историја како и животните навики на здравствените работници. Во првата студија  биле вклучени повеќе од 51.000 машки здравствените работници; во втората студија биле вклучени 121.000 медицинските сестри; и во третата студија во која биле вклучени речиси 117.000 медицински сестри.

Во текот на првата студија, имало околу 15.000 случаи на дијабетес тип 2. Кога статистички ги обработиле вкупниот внес на млечни производи не е пронајдено никакво влијание врз ризикот од дијабетес. Меѓутоа, кога бил изолиран јогурт самостојно, откриена е корелација дека со консумирање на јогурт еднаш дневно го намалува ризикот за околу 17 проценти.

Прочитајте:  Сè што не сте знаеле за лимонот

Тимот на Ху ги потврди резултатите на други предходно направени помали и не толку обемни истражувања кои истотака го поврзуваат јогуртот и млечни производи со дијабетес тип 2. Взаемните мета-анализи кој вклучуваат 14 различни групи со околу 460.000 луѓе, каде кај само 36.000 е установен дијабетес тип 2.

Во сите истражувања земени се во предвид возраста, индексот на телесна тежина како и други влијанија од стилот на живеење.

Д-р Ху кажува дека во истражувањата не е земено во предвид типот на јогуртот како и неговата масленост.

Истражувачкиот тим потврдуваат дека сеуште не е јасно како јогуртот помага, но резултатите не се за потценување и се една насока во која треба да се движат следните истражувања. Размислувањата се насочени кон пробиотиците кои ги содржи самиот јогурт, односно таканаречените „добри бактерии“ кој ја менуваат цревната средина на корисен начин и помагаат да се намалат воспаленијата како и да се подобри производството на хормони кои се важни за контролирање на апетитот.

Сепак препораката на експертите е дека јогуртот треба да има значајно место во целокупната исхрана.

bucen-kozjak-ad-600x100px


Споделете со пријателите!