koga-da-zapochnete-da-vezhbate-dokolku-se-spravuvate-dijabetes_image
Споделете со пријателите!

Доколку имате дијабетес, значи дека секогаш сте во постојана борба со нивото на шеќер во крвта. Зошто е важно темпирање на времето за вежбање по оброците?
Зошто е важно темпирање на времето за вежбање по оброците? Кога да започнете вежби и дали тоа е најдобро да биде после оброк ако имате дијабетес. Доколку имате дијабетес, значи дека секогаш сте во постојана борба со нивото на шеќер во крвта.

Размислете за темпирање на времето на вежбање после оброците.

Вежбањето после јадење има позитивни ефекти врз шеќерот во крвта, вели ендокринолог Бетул Хатипоглу. Дали ова поведение има друг бенефит? Со вежбање може да го намалите ризикот од срцеви заболувања.

Колку време после оброците?

„Времето може да има индивидуални варијации.“

Еве како да знаете кога е најдобро за вас. Причината заради која е подобро да се вежба наскоро после јадење е бидејќи нивото на гликоза го достига својот врв во рок од 90 минути после оброкот, според студијата од 2017 година објавена од страна на весникот Frontiers in Endocrinology.

Оние со дијабетес тип 2 треба да ги одржуваат нивоата на 160 mg/dl што одговара на 8,9 mmol/l во рок од два часа после оброкот.

Бидејќи вежбањето ги намалува концентрациите на гликоза во крвта, добра идеја е да започнете да вежбате околу 30 минути после почетокот на оброкот, заклучиле истражувачите. Иако ова е солидно упатство, времето може да варира за различни луѓе.

Како да знам дали е безбедно да се вежба?

„Можеби ќе треба да почекате малку подолго пред да започнете со тренингот“

Пред да започнете со тренингот, измерете го нивото шеќерот во крвта. Кога започнува вежбањето, телото ослободува стрес хормони, кои накратко имаат потенцијална моќ да го зголемат нивото на шеќер во крвта. Ако имате дијабетес и вашето тело не успева добро да се справи со регулација на шеќерот во крвта, тоа може да се зголеми премногу за време на првиот половина час на вежбање пред да почне да се намалува.

Ако започнете да вежбате со многу висок шеќер во крвта, може да биде опасно, вели ендокринолог Бетул Хатипоглу.

Четири совети за да се осигураме дека нивоата на гликоза се безбедни за вежбање:

  • Доколку нивото на шеќер во крвта е помеѓу 150 (8,3) и 180 (8.9) вие сте во добар опсег;
  • Ако вашето ниво е помало од 140 (7.8) и ако земате инсулин, можеби ќе треба да јадете 15 грама јаглени хидрати пред да вежбате, за нивото да не падне премногу ниско;
  • Ако вашето ниво е навистина високо – 300 (18) или повеќе – вежбањето треба да се одложи малку и да се обидете да земете малку инсулин пред да започнете;
  • Ако земате инсулин, треба да го проверите нивото на шеќер во крвта и по вежбање за да бидете сигурни дека имате доволно гориво.
Прочитајте:  Пауза од менопауза со биоидентични хормони?

Доколку започнувате нова програма за вежбање после долговремено заседнување земањето во предвид на овие фактори е осбено важно. Американското здружение за дијабетес препорачува околу 150 минути умерено вежбање или 75 минути ригорозни вежби (со висок интензитет) неделно. Доколку вашиот график на обврски ви налага да вежбате навечер тогаш исто така треба да сте особено внимателни.

Вежбањето прави две работи за оние кои имаат дијабетес тип 2.

  • Прво, на мускулите им е потребна енергија за работа. За да ги нахрани, телото го согорува шеќерот како извор на енергија, намалувајќи ги нивоата на гликоза во крвта.
  • Второ, кога редовно вежбаме, со активноста му помагаме на телото да го користи инсулинот поефикасно. Ова може да го намали нивото на шеќер во крвта до 12 часа откако ќе вежбате.

Исто така, редовното одржување на нормално ниво на шеќерот во крвта може драматично да го намали ризикот од срцеви заболувања, вели д-р Хатипоглу.

Секој човек реагира малку поинаку на вежбање, па затоа златно правило е секој да го следи нивото на шеќер во крвта во период од четири до пет часа по вежбањето и по оброк за да видите каков е вашиот тренд. Ова може да ви помогне да одредите дали вашите нивоа се здрави или премногу паѓаат. Ова е особено важно ако вежбате во вечерните часови.

„Особено по вечерата, треба да знаете што ќе направи вашето тело кога ќе вежбате“, вели д-р Хаптоглу. Ако заспиете а нивото на глукоза се спушти премногу вие така се доведувате до опасна клиничка ситуација. Исто како и премногу високите концентрации на глукоза во крвта се опасни за луѓето. Намалување на нивото под 2 mmol/l предизвикува нарушувања во централниот нервен систем. Вежбањето по оброкот е добар начин да се намалат нивоата на гликоза во крвта и да се намали ризикот од компликации од дијабетес, вклучувајќи и срцеви заболувања. Но, пред да го смените режимот и периодот на денот во кој вежбате разговарајте со вашиот лекар за да одредите што е најдобро за вас.


Споделете со пријателите!