kakvo-mleko-treba-da-se-pie-za-vreme-na-bremenosta_image
Споделете со пријателите!

Млекото може да помогне во намалувањето на ризикот за заболување од дијабетес тип 2
Млекото е витален извор на калциум за време на бременоста. Внесувањето на соодветна количина може да помогне во задоволувањето на потребите за витамини и минерали кај бебето.

Докажано е дека жената во својата бременост има потреба да консумира помеѓу 1000 и 3000 мг. калциум на дневно ниво.

Многу научни студии докажуваат дека умерена консумација на млеко за време на бременоста придонесува за подобар процес на гестација. Министерството за земјоделство на САД им препорачува на бремените жени да консумираат барем 3 чаши млеко во текот на еден ден.

Предности од пиењето млеко за време на бременоста

  • Може да помогне во намалувањето на ризикот за заболување од дијабетес тип 2;
  • Да го намали ризикот за заболување од остеопороза;
  • Да го подобри развојот на мозокот;
  • Може да помогне во ублажувањето на симптомите кај проблемите со желудникот и жиговините што се чести за време на бременоста;
  • Може да помогне во снабдувањето на организмот со течности и во хидратацијата на телото;
  • Да го намали ризикот за заболување од мултипла склероза.

Типови на млеко

Нискомаслено млеко

Нискомасленото млеко е добар избор за оние што не сакаат да внесуваат многу калории за време на бременоста. Овој тип на млеко содржи помалку калории бидејќи се добива откако млекото ќе помине низ еден процес во кој мастите се отстрануваат. Но овој процес исто така ги намалува витамините А, Д, Е и Ц коишто се растворливи во масти и се неопходни да се внесуваат за време на бременоста.

  • Една чаша нискомаслено млеко содржи 305 мг. калциум;
  • Една чаша нискомаслено млеко содржи 83 калории;
  • Пиењето 2 до 3 чаши нискомаслено млеко во текот на еден ден ќе помогне да ги задоволите дневните потреби за калциум што се потребни за време на бременоста

Полномаслено млеко

Полномасленото млеко има речиси 3,5% повеќе масти од нискомасленото млеко. Една чаша полномаслено млеко содржи околу 5 гр заситени масти, што е 20% од потребната дневна доза. Една чаша полномаслено млеко содржи 149 калории.

Пастеризирано млеко

Без разлика дали сте љубител на полномасленото или нискомасленото млеко, важно е млекото да биде пастеризирано бидејќи:

  • Во процесот на пастеризација во кој млекото се затоплува на одредена висока температура и потоа се лади се забавува уништуваат микроорганизмите, а се задржува нутритивното својство на млекото;
  • Пиењето непастеризирано млеко за време на бременоста може да биде опасно заради брзото размножување на бактериите што може да предизвикаат инфекции кај мајката или бебето;
  • Министерството за земјоделство на САД и Центарот за контрола и превенција на болести на САД им препорачува на бремените жени да избегнуваат храна приготвена со непастеризирано млеко.
Прочитајте:  Бремените жени се изложени на голема опасност од паѓање

Непастеризирано млеко

Во процесот на пастеризација на млекото се уништуваат микроорганизмите што може да придонесат во заболувањето од различни болести и инфекции. Листериоза е една од инфекциите што се предизвикува од микроорганизми што може да бидат опасни по здравјето на бебето.

Кравјо млеко

„Една чаша кравјо млеко содржи 285 мг. калциум“

Кравјото млеко кое може да биде полномаслено, нискомаслено или целосно обезмастено, е помеѓу најбараните млека на светско ниво. Амино-киселините што ги содржи кравјото млеко се есенцијални во формирањето на клетките во утробата на мајката.

Витамините и минералите што ги содржи кравјото млеко имаат многу предности за здравјето на мајката и бебето, меѓу кои витаминот Д заштитува од развивањето на гестациски дијабетес, витаминот Е делува како антиоксидант, витаминот А е добар за видот и за развојот на силен имун систем кај бебето, додека калциумот ги зацврстува коските. Една чаша кравјо млеко содржи 285 мг. калциум.

Козјо млеко

Многуминане не го претпочитаат козјото млеко заради неговиот необичен вкус и мирис, но тоа содржи повеќе протеини и повеќе витамин Б2 од кравјото млеко. Исто така, козјото млеко содржи диететски масти што помагаат во намалувањето на холестеролот и во забрзувањето на метаболизмот. Една чаша козјо млеко содржи 283 мг. калциум.
kakvo-mleko-treba-da-se-pie-za-vreme-na-bremenosta_image1

Соино млеко

Една чаша млеко од соја содржи 300 мг. калциум

Соиното млеко се подготвува со мелење на претходно исушените и процедени зрна соја. Млекото може да се набави полномаслено, нискомаслено и без масти, како и збогатено со влакна или калциум. Млекото од соја содржи речиси еднакво количество на протеини како кравјото млеко, но содржи и антиоксиданти коишто помагаат во намалувањето на ризикот од заболување од рак. Една чаша млеко од соја содржи 300 мг. калциум.

Оризово млеко

Оризовото млеко се приготвува од ориз и вода, а може да се набави збогатено со протеини или со калциум. Ова млеко содржи големо количество на витамини од групата Б. Оризовото млеко не се препорачува да го пијат пациенти што боледуваат од дијабетес бидејќи содржи 4 пати повеќе јаглехидрати во споредба со кравјото млеко. Една чаша оризово млеко содржи 20 мг. калциум.

Бадемово млеко

Бадемовото млеко се приготвува од бадеми и вода, содржи малку калории и не содржи заситени масти и холестерол. Ова млеко е богато со фолна киселина, влакна, протеини, витамин Б, витамин Е, калциум и железо. Антиоксидантите што ги содржи бадемовото млеко може да помогнат во засилувањето на имунитетот кај мајката и, исто така, во стекнувањето на силен имунитет кај бебето. Една чаша бадемово млеко содржи 7,5 мг. калциум.


Споделете со пријателите!