ovosni-plodovi-bogati-so-kalcium
Споделете со пријателите!

За да ги задоволите потребите за дневен внес на калциум, а истовремено и здравите потребите за благо, но и за антиоксиданси, растителни влакна, течности и витамини ви претставуваме неколку овошки богати со калциум
На сите ни е добро познато уште од детството дека треба да се консумира млеко и млечни производи и да се јаде месо за да се спречи остеопорозата и за да се има здрави коски, а секој што има искуство со фрактури може да се сети дека лекарите му препорачувале да јаде кисело млеко закиселено со потквас маја, јогурт, кефир, сирење и кашкавал и сл.  што е можно повеќе. Една од најзначајните и најзастапени состојки во млекото е токму калциумот неопходен минерал за изградба на здрави коски, заби и коса.

Колку е подобар развојот на коските во детството, толку поздрави ќе бидат коските во зрелата возраст. Затоа детската диета треба да изобилува со калциум. Функцијата на калциумот не е само изградба на коскеното ткиво. Тој е нужен елемент за правилна коагулација на крвта, правилна функција на нервниот систем, како и за правилна контракција на скелетните но и на срцевите мускули. Со еден збор круцијален е за правилно функционирање на целиот организам, а континуираниот дефицит на калциум во организмот може да доведе не само до појава на кршливи коски, туку и до редица други заболувања, а недостигот на калциум најчесто може да се забележи со појава на бели дамки на ноктите, грчеви во мускулите и несоница.

Калциумот не е застапен само во млечните продукти.

Овој елемент може да се надомести и од лушпите од јајцата. Но, како што доаѓа летото можеби некои од вас решиле да држат одреден тип на диета за намалување на тежината, која не ви дозволува внесување на млечни производи. Можеби некои од вас водат вегански или вегетаријански начин на живот и диета, а постојат и лица кои се нетолерантни на лактоза, како на пример старите лица и лица кои користат одредени лекови или имаат некое заболување. Трети пак, можеби едноставно сакаат да се одморат од млечните производи. За да не ги изгубите дневните потреби за внес на овој минерал не мора да користите суплементи – постои алтернативно решение.

Ова решение може да реши уште еден проблем. Имено децата (па и возрасните) многу сакаат да јадат благо, но чоколадите наменети за деца, богати со млеко и калциум за здрави коски и заби не се добар спој и избор, бидејќи шеќерот содржан во нив ќе ги расипе нивните заби. За да ги задоволите потребите за дневен внес на калциум, а истовремено и здравите потребите за благо но и за антиоксиданси, растителни влакна, течности и витамини – за сите гореспоменати категории на читатели, како и за сите останати што не знаеле дека не мораат да пијат млеко за да имаат здрави коски и заби, калциумот го има и во одредени овошни плодови, oва се некои од нив:

Прочитајте:  Врската помеѓу сонот и стресот

Портокали и киви

Кивито има 34 mg. калциум на 100 gr, а портокалите со 43 мг на 100 гр. имаат високо ниво на калциум и витамин Ц.

Сливи

Сувите сливи може да содржат дури и до 80 милиграми калциум во филџан, во 100 gr. 43 mg. калциум! Тие ќе ти помогнат и кога имате констипација.

Кајсии и смокви

Сушените кајсии и смокви се одличен извор на калциум. Калциум во една смоква 13 mg, а во 100 gr. има 162 mg, а на 100 gr. сушени кајсии има 55 mg. калциум.

Круши и кумкат

Една круша содржи околу 16 милиграми калциум. Еден кумкат има 12 mg, а на 100 гр 62 mg. калциум.

Дудинки (црници)

Нивното количество на калциум е слично со она на крушите. На 100 gr. имаат 39 mg. калциум.

Мандарини

Тие се одличен избор на витамин Д, витамин Ц и калциум. Една просечна мандарина има околу 33 милиграми калциум.

Урми

Една урма содржи 15,36 mg. калциум, а во 100 gr. 64 mg.

Не заборавајте да јадете и храна богата со витамин Д, бидејќи овој витамин помага во апсорпцијата на калциумот што го внесувате. Доколку овошјето е добро измиено пред употреба, истото не може да биде штетно по вашето здравје. Меѓутоа не се препорачува претерување со овошјето за да не ви се појави дијареа, подуеност, киселини во желудникот или промена на бојата на кожата.

Иако премногу овошје може да доведе до неможност да се намали тежината, не плашете се дека ќе се здебелите од премногу овошје, бидејќи тоа е невозможно. Исто така, кога ви се јаде благо природниот шеќер фруктоза е неспоредливо подобар избор од штетните по здравјето преработени слатки производи со огромна доза на бел рафиниран шеќер, збогатени со конзерванси, вештачки бои, ароми, подобрувачи на вкус.


Споделете со пријателите!