Освен коментари на фотографиите на Инстаграм, во иднина корисниците ќе добиваат и проценка на калориите на храната која е прикажана
Технолошкиот гигант го објави својот најнов проект наречен Im2Calories, кој всушост е алгоритам кој ги анализира фотографиите со храна кои многу често се закачуваат на популарната социјална мрежа за споделување фотографии – Инстаграм и ги пресметува калориите на нив.
Кевин Марфи – Kevin Murphy од Гугл изјави дека ако новата апликација засега функционира точно во 30% од случаите, и тоа ќе биде доволно за луѓето да почнат да ја користат истата. „Ние ќе продолжиме да собираме податоци и со тек на време ќе станеме многу подобри“, изјави Марфи.
Овој алгоритам развиен во Гугл, користи визуелна анализа и препознавање со цел да процени колку калории има храната прикажана на фотографијата. Со оглед на тоа дека е во почетна фаза на развој, таа не е 100% точна во резултатот, но се претпоставува дека луѓето ќе сакаат многу да ја користат.
Марфи се надева дека Im2Calories ќе ги натера луѓето да станат повнимателни околу изборот на храната, а може да им биде од корист и на лекарите и на аналитичарите кои прават различни анализи за прехранбените навики. Овој алгоритам би можел да биде вклучен и во некои од идните производи на Гугл.
Превземено од: Иновативност.мк
