bremenost-vo-zima_image
Споделете со пријателите!

Совети и зимски подготовки за лесна бременост и уживање во зимата
Бременоста е предизвик во секој период од годината, но во ладните денови потребни се неколку мали прилагодувања за полесна бременост. Доколку за останатите луѓе, подготовките за зимата вклучуваат вадење на зимските џемпери и зимската опрема за скијање, за бремените жени подготовките се малку поинакви и не завршуваат кај носење на топла памучна облека соодветни обувки и заштита од паѓање.

Вакцинирајте се против грип

Вакцината против грип е незадолжителна вакцина и се дава на доброволна база. Со тоа што сте бремени, вие припаѓате во таканаречени “приоритетни ризични групи”, на кои особено им се препорачува ваквата вакцинација. Бременоста не е контраиндикација за вакцинација, напротив, се препорачува бремените жени да се вакцинираат и да се заштитат од тешки форми и компликации што може да ги предизвика инфлуенцата, велат од Институт за јавно здравје. Бременоста предизвикува привремени промени во имунолошкиот систем, срцето и белите дробови кои ги прават бремените жени повеќе склони кон тешка болест кога имаат грип.

Останете дома кога е многу ладно

Иако бременоста на природен начин го зголемува внатрешниот термостат, што значи дека не го чувствувате студот толку многу, сепак не треба да претерувате и да бидете постојано надвор. Честите прошетки на ладно време се добри за вас и вашето здравје и особено позитивно влијаат врз сонот, но сепак бидете умерени и избегнувајте да му приредувате на организмот нагли температурни промени. Исто така, избегнувајте јавен превоз и поголема група на луѓе заради сезоната на настинки и грип

Прочитајте:  И електронската цигара, создава зависност

Грижете се за кожата

bremenost-vo-zima_image1Ладното време ја суши кожата, а за време на бременоста кожата е веќе сува, што значи дека ладното време е дополнителен предизвик. Сувата кожа дава непријатно чувство на чешање, па не дозволувајте да дојде до тоа. Избегнувајте долги топли купки, колку и да ви годат, бидејќи купката ја суши кожата. Исто така, избегнувајте и туширање со многу жешка вода заради претерано сушење. По туширањето, особеното внимание посветете на стомакот, рацете, лактите и градите, секако со специјализирани видови на креми.

Внимавајте на телесната тежина

Зголемувањето на телесната тежина во зима е проблем на многумина, но за бремените жени може да претставува и здравствен ризик. Затоа, бидете активни и внимавајте на исхраната и не дозволувајте ладното време да ви биде изговор. Можете да вежбате дома лесни вежби и јога движења. Вежбањето ви го зајакнува имунитетот и ве штити од настинки, па затоа, консултирајте се со вашиот лекар каков вид на вежби ви препорачува. Воедно, внимавајте и да пиете многу течности да не дехидрирате, бидејќи во зима, лесно се заборава да се пие вода.


Споделете со пријателите!