Околу 6,6 милиони жени биле подложени на инјекции со ботокс во 2016 година, што ја прави најпопуларната форма на минимално инвазивна козметичка хирургија извршена во САД.
Ботулинскиот токсин, познат на пазарот под името ботокс, е невротоксин кој привремено ги парализира мускулите. Овој невротоксин го произведува бактеријата „Clostridium botulinum“, којашто се наоѓа во животната средина и гастроинтестиналниот тракт на животните. Обично, бактеријата произведува токсини кога се самонадраснува и предизвикува инфекција.
Факти за ботоксот
Американското здружение на пластични хирурзи проценува дека 6,6 милиони жени биле подложени на инјекции со ботокс во 2016 година, што ја прави најпопуларната форма на минимално инвазивна козметичка хирургија извршена во САД.
- Инјекциите со ботокс најчесто се користат за да се намали појавата на неправилни линии и брчки;
- Инјекциите со ботокс неодамна се користат и за лекување на широк спектар на медицински состојби;
- Болеста или инфекцијата предизвикана од ботулинскиот токсин којашто може да биде опасна по живот се нарекува ботулизам.
Помеѓу медицински состојби кои може да се лекуваат и третираат со ботокс се:
- невромускулни состојби кои влијаат врз контролата на мускулите, како што е церебралната парализа;
- тешка мигрена;
- прекумерно потење;
- инконтиненција или неконтролирано испуштање на урина;
- состојби на гастроинтестиналниот тракт, како синдром на нервозно дебело црево;
- спазам на очните капаци;
- грчеви на мускулите вратот и рамењата;
- состојби кои предизвикуваат интензивна вкочанетост во мускулите.
Според Американската управа за храна и лекови (FDA) сè уште не е познато дали инјекциите со ботокс се безбедни за време на бременоста или доењето.
Како функционира ботоксот
Невротоксичните протеини во инјекциите со ботокс влијаат на нервните импулси со блокирање на невротрансмитерот ацетилхолин, кој привремено ја спречува контракцијата на мускулните клетки.
Кога се користи за козметички цели, ботоксот се вбризгува во специфични мускули на лицето или вратот, принудувајќи ги да се релаксираат и да го намалат појавувањето на брчки и неправилни линии.
Токсините на ботоксот, исто така, можат директно да се инјектираат во интерактивни мускули или жлезди за да се ограничи нивната активност, како што се потните жлезди под пазувите, мускулите на вратот или мускулите на рацете. Се смета дека токсините на ботоксот остануваат активни во телото или во целната област во период од 4 до 6 месеци пред да бидат метаболизирани и излачени од телото.
Влијанието на ботоксот кај бремените жени и доилки
Ботоксните инјекции содржат невротоксини кои можат да бидат опасни во големи дози или кај луѓе кои се алергични на овие хемикалии. Болеста или инфекцијата предизвикана од ботулински токсини се нарекува ботулизам. Ботулизмот е состојба што може да биде опасна по живот, особено кај бремени жени, доилки, оние кои имаат слаб имунитет или страдаат од гастроинтестинални состојби.
Иако некои истражувања покажале дека ботулинските токсини може да бидат многу големи за да ја преминат плацентата за време на бременоста, се препоралува бремените жени и доилки да избегнуваат потенцијални извори на токсини, вклучувајќи ги овде и некои одредени видови храна. Исто така, кога станува збор изборот на храна за новороденчиња се препорачува да не се консумира храна што се смета за извор на Ботулинскиот токсин, како:
- мед;
- конзервирано овошје и зеленчук;
- сируп од пченка;
- сирење и сосови од сирење;
- ферментирана риба и месо.
И покрај тоа што нема веродостојни податоци, се смета дека инјекциите со ботокс, исто така, можат да се шират на други нерви или клетки во телото, предизвикувајќи несакани симптоми. Една студија од 2016 година откри докази дека ботулинскиот токсин инјектиран во една област може да патува низ поврзани нервни клетки или неврони, парализирајќи нецелни мускули и жлезди.
Ретки компликации поврзани со инјекциите со ботокс вклучуваат:
- осип или чешање на кожата на местото на инјектирање;
- воспаление, болка, црвенило, оток и крварење на местото на инјектирање;
- несакана мускулна парализа или мускулна слабост;
- тешкотии при голтање, дишење или зборување;
- зголемено или намалено лачење на плунката или потта;
- гадење, болки во стомакот и дијареа;
- главоболка;
- воспаление на грлото;
- губење на контролата на мочниот меур;
- инфекција на уринарниот тракт;
- двоен или заматен вид;
- симптоми на астма;
- вртоглавица или чувство на слабост.
Иако сè уште не е јасно дали токсините од ботоксот може да се пренесат на доенчето преку мајчиното млеко или да влијаат на неродените бебиња за време на бременоста, повеќето лекари препорачуваат да се избегнува ботоксот за време на бременоста и доењето.
Бидејќи ботулинските токсини можат да останат активни во телото во период од 6 месеци или повеќе, препорачливо е за жените кои се обидуваат да забременат, исто така, да ги избегнуваат ботоксните инјекции.
