kako-ribinite-masla-omega-3-kiselinite-vlijaat-na-zdravjeto_image
Споделете со пријателите!

Се смета дека конзумирањето на рибино масло за време на бременоста може да го намали ризикот од постпородилна депресија

Факти за рибините масла

  • Рибините масла содржат Омега 3 масни киселини и витамини А и Д;
  • Омега 3 масните киселини во рибините масла може да го заштитат срцето и да обезбедат други здравствени придобивки;
  • Јадењето риба е подобар извор на Омега 3 масни киселини отколку суплементите.

Омега 3 масните киселини се масти што најчесто се содржани во растенијата и морската храна.

Два типа Омега 3 масни киселини во изобилство се застапени кај мрсната риба:

Еикозапентаеноична киселина (EПА)

Најпознатата Омега 3 масна киселина, ЕПА, му помага на телото да ги синтетизира хемикалиите вклучени во коагулацијата и воспалението на крвта (простагландин-3, тромбоксан-2 и леукотриен-5). Рибите ја добиваат еикозапентаеноична киселина од алгите кои ги јадат.

Докозахексаеноична киселина (ДХА)

Кај луѓето докозахексаеноична киселина е клучен дел од спермата, мрежницата – дел од окото, и церебралниот кортекс – дел од мозокот. ДХА е застапена низ целото тело, особено во мозокот, очите и срцето. Исто така, оваа Омега 3 масна киселина е содржана во мајчиното млеко.

„Рибино масло за време на бременоста го намалува ризикот од постпородилна депресија“

Здравствени придобивки

Според некои студии се смета дека рибиното масло и Омега 3 масните киселини се корисни за здравјето, додека, според други, истите не покажале позитивни ефекти во третманот на одредени заболувања. Различните наоди се должат на голем број услови.

Мултиплекс склероза

Во некои истражувања се вели дека рибините масла им помагаат на луѓето со мултиплекс склероза поради нивните заштитни ефекти врз мозокот и нервниот систем, но сепак, барем една студија заклучи дека истите немаат позитивни ефекти врз болеста.

Рак на простата

Една студија покажала дека рибините масла, заедно со исхраната со малку маснотии, може да го намалат ризикот од развој на рак на простата. Од друга страна, пак, друга студија поврзала повисоки нивоа на Омега 3 со поголем ризик од агресивен рак на простата. Истражувањето објавено во „Journal of the National Cancer Institute“, покажа дека големиот внес на рибино масло го зголемува ризикот за заболување од рак на простата во напредна фаза за 71 отсто, а од рак на простата во останатите фази за 43 проценти.

Постпородилна депресија

Се смета дека конзумирањето на рибино масло за време на бременоста може да го намали ризикот од постпородилна депресија. Истражувачите велат дека јадењето риба со високо ниво на Омега 3 масни киселини два или три пати неделно може да биде корисно.

АДХД

Студија спроведена во 2007 година вели дека рибиното масло може да им помогне на младите луѓе коишто страдаат од синдром на недостаток на внимание и хиперактивност или АДХД. Истражувањето покажало дека децата што имале АДХД и кои консумирале помеѓу 8 и 16 грама ЕПА и ДХА дневно имале значителни подобрувања во нивното однесување.

Прочитајте:  Состојба со грип во Република Македонија, сезона 2015/2016
до 48ма недела

Меморија

Една студија докажала дека внесот на Омега 3 масните киселини може да помогне во подобрувањето на работната меморија кај здрави млади возрасни лица.

Срцеви и кардиоваскуларни болести

„Луѓето кои земале рибино масло повеќе од 1 месец имале подобра кардиоваскуларна функција.“

Омега 3 масни киселини кои се наоѓаат во рибините масла може да го заштитат срцето за време на ментални стресови се вели во студија објавена во американскиот весник за физиологија. Наодите сугерираат дека луѓето кои земале додатоци од рибино масло повеќе од 1 месец имале подобра кардиоваскуларна функција за време на ментално стресни тестови.

Во 2012 година истражувачите забележале дека рибиното масло преку своите анти-инфламаторни својства се чини дека помага во стабилизирањето на атеросклеротичните лезии. Од друга страна, пак, други 20 студии во кои биле вклучени речиси 70.000 луѓе, не пронашле никакви релевантни докази што ги поврзуваат додатоците на рибино масло со помал ризик од срцев удар, мозочен удар или рана смрт.

Епилепсија

Студија спроведена во 2014 година објавена во „Journal of Neurology, Neurosurgery & Psychiatry“ тврди дека луѓето со епилепсија може да имаат помалку напади ако консумираат мали дози од Омега 3 рибино масло секој ден.

Храна што содржи Омега 3 киселини

Филетите од мрсна риба содржат до 30 отсто масло, но оваа бројка варира. Масните риби кои се богати со Омега 3 масни киселини вклучуваат аншови, харинги, сардини, лосос, пастрмка и скуша.

Алтернативни извори за Омега 3 масни киселини се:

Ризици

Консумирањето на суплементи на рибино масло, масло од црн дроб на бакалар и Омега 3 масни киселини може да претставува ризик за некои луѓе. Додатоците на Омега 3 киселини можат да влијаат на коагулацијата на крвта и да се мешаат со лекови кои се насочени кон појава на згрутчување на крвта.

Тие понекогаш може да предизвикаат несакани ефекти, вообичаено мали гастроинтестинални проблеми како што се диспепсија или дијареа. Маслото од црн дроб на бакалар содржи високо ниво на витамини А и Д. Премногу количество од овие витамини може да бидат отровно. Оние со алергија на школки или риби можат да бидат изложени на ризик ако консумираат додатоци од рибино масло.


Споделете со пријателите!