Докажано е дека преработеното месо влијае негативно на човековото здравје
Малкумина имаат доволно време, енергија и трпеливост за секојдневно приготвување појадок, ручек и вечера. Токму заради брзиот и динамичен начин на живот, денеска маркетите се преполни со пакувана готова или полуготова храна чиешто приготвување без сомнение не одзема многу време од денот. Додека голем дел од понудените готови производи се добри за консумирање, голем дел се штетни за здравјето и пожелно е да се избегнуваат. Кои од овие производи ја носат етикетата на лоша и добра пакувана храна којашто може да се најде во маркетите? Во прилог претставуваме три примери за добра и три за лоша пакувана храна.
Најдобра пакувана храна
Риба во конзерва
Голем број истражувања докажуваат дека редовната консумација на риба е добра за здравјето и дека токму конзервираната риба содржи поголемо количество на Омега-3 масните киселини од свежата риба. Оттука масната риба од конзерва (туна, лосос, харинга и скуша) се смета за добар избор на конзервирана храна.
Пченичен леб и тестенини
Многумина од нас не успеваат да го внесат потребното количество растителни влакна на дневно ниво што може да допринесе за зголемување на телесната тежина, како и за други здравствени проблеми. Кафениот ориз и јачменот е токму храната којашто содржи големо количество растителни влакна, но за нивната подготовка е потребно многу време. Како нивна соодветна замена одлични се пченичиот леб и тестенини.
Млеко збогатено со витамин Д
Според „WebMD“, недостатокот на витаминот Д во организмот често се поврзува со многу здравствени проблеми, започнувајќи од деменција, сè до зголемена телесна тежина. Секое млеко коешто може да го најдете на полиците во маркетите е здраво, пастеризирано млеко коешто излобилува со големи количества калциум и протеини. Но пастеризираното млеко е уште поздраво кога ќе се збогати со витаминот Д. Оттука, млекото коешто е збогатено со овој витамин е помеѓу најдобрата пакувана храна што треба да се консумира.
Најлоша пакувана храна
Процесирано месо и месни производи
Во процесирани месни производи спаѓа секое месо чијшто состав е модифициран со додадоци за подобрување на неговиот вкус и долготрајност. Најчесто процесирано месо се колбасите, виршлите, саламата, сланината и сл. Оваа храна е една од најлошата пакува храна и за тоа сведочат многубројни студии што докажале дека преработеното месо влијае негативно на човековото здравје и може да придонесе за зголемување на ризикот за заболување од рак и кардиоваскуларни болести.
Замрзната пржена храна
Разликата помеѓу свежо замрзнатиот грашок и зготвените замрзнати пилечки крилца е огромна. Храната којашто се продава зготвена и замрзната е она коешто треба да го избегнувате. Во оваа група производи спаѓаат замрзнатите пржени компири, филети и пилешки крилца.
Овошни и зеленчукови сокови
Се смета дека различните пакувани овошни и зеленчукови сокови се еднакво лоши по здравјето како колачите и чипсовите. Она што е важно да се знае за соковите е дека изобилуваат со вода и шеќерни сирупи, наместо со овошјето и зеленчукот коишто ги гледате на пакувањето. Избегнувајте ги пакуваните сокови и почесто консумирајте свежо исцедени домашни сокови.
