Чешање, крварење и болка во анус се симптоми кои пациетите често ги препишуваат на хемороиди. Но, постои уште еден виновник со слични симптоми, а тоа се аналните пукнатини или фисури.
Чешање, крварење и болка во анус се симптоми кои пациетите често ги препишуваат на хемороиди. Но, постои уште еден виновник со слични симптоми, а тоа се аналните пукнатини или фисури.
Аналните фисури се мали расцепи во пределот на анусот. Најчесто се во облик на солза и предизвикуваат чешање, крварење и болка која е многу по нагласена одколку онаа која се јавува кај хемороидите. Постојат акутни форми кои траат неколку дена до неколку недели, додека хроничните форми траат од 8 до 12 недели.
Превенција
За да го намалите ризикот од појава на фисури може да превземете неколку едноставни превентивни мерки како што се:
- Пијте многу вода – доволно внесување на течности води до нормална хидратација со која ќе го избегнете запекот;
- Земајте лекови кои ќе ја подобрат работата на дигестивниот систем;
- Внимавајте на исхраната и бидете сигурни дека внесувате многу растителни влакна. Одберете посно месо и риба наместо црвено месо. Немојте целосно да ги исклучите мастите од исхраната бидејќи одредена количина помага за подмачкување и правилно функционирање на дигестивниот тракт.
Компликации
Иако ретко, аналната фисура може да биде и влезна врата за појава на перианални апсцеси (гноење) и трајно оштетување на внатрешниот свинктер на аналниот канал.
Овие промени може да се појават кај секого, но постојат причини кои можат да го зголемат ризикот за појава на анални фисури. Отежнатото празнење, тврда столица, вирусните инфекции но и дијареата може да ја испровоцираат нивната појава.
Секогаш кога правите промени во однос на исхраната, држите диети или имате дијареа кај вас се зголемува ризик факторот за појава на анални пукнатини. Често се појавуваат по долго патување или по породување. Аналниот сексуален однос и неадекватен ректален преглед исто така може да доведат до појава на фисури.
Дијагноза
Аналите пукнатини можат да бидат поплитки или подлабоки, а се дијагностицираат со анална инспекција со аноскоп и врз основа на тоа се прави и хируршката интервенција. Затоа кога се сомневате дека имате анална пукнатини – веднаш побарајте помош од вашиот лекар и ќе ги дознаете најдобрите опции за третман.
Лекување
Доколку имате проблеми, побарајте помош од лекар кој ќе ви постави дијагноза и ќе разграничи дали станува збор за хемороиди, апцеси, инфекција или посериозни промени. Третманот најчесто почнува со промени во начини на живот и одредени лекарства. Доколку не се подобри состојбата решение е хируршки третман.
Топла бања – многу од пациентите чувствуваат подобрување кога ќе се релаксираат во топла бања по празнење на цревата. Водата не треба да е премногу топла, едноставно пријатна. Таа ќе ги релаксира мускулите.
Медицинска терапија – докторот ќе ви препорача лекови и масти кои ќе ја релаксираат мускулатурата околу аналниот отвор. Кремови кои содржат анестетик, нитроглицерин, (блокатори на калциум канали) се нанесуваат право на фисурата и се во првата линија на одбрана, заедно со топлите седечки бањи и промените во исхраната за да се избегне запекот. Оваа комбинација е обично успешна, ако фисурата почне рано да се лекува. Доколку сето ова не помогне тогаш се применува хируршки третман.
Хируршки третман – кога конзервативните третмани немаат ефект тогаш се преминува на хируршки третман. Еден од нив е ботокс третманот во пределот на анусот кој ги парализира мускулите и спречува појава на грчеви. Друга опција е внатрешна сфинктеротомија која го ослободува од спазам оштетениот свинктер и се постигнува излекување.
