Оваа храна со потполно право се наоѓа на листата на супернамирници – Има и зошто !
Ленено семе (Linum L. usitatissimum.) содржи омега-3 и омега-6 поли-незаситени масни киселини, многу пати се нарекувани и есенцијални, поради тоа што се од суштинско значење за здравјето на човекот бидејќи телото не е во состојба самостојно да ги произведе.
Претставува еден од најголемите извори на природен лигнин и незаситени масни киселини како омега-3, омега-6 и омега-9 и содржи дури 27 различни генетски антиканцерогени!
Ленот содржи маснотии кои се основа за градење на мозокот, ова е особено важно во периодот кога мозокот на бебето најбрзо расте – пред раѓањето и раното детство. Би било добро мајките да земаат една лажица масло од ленено семе во текот на бременоста и доењето.
Полинезаситените масни киселини Омега-3 и Омега-6 се многу ретки во традиционална храна. Тие го надоместуваат недостатокот на природните масти, вклучени во месото и млекото, кои се исклучени од исхраната. Од неговите омега-3 масни киселини, 3 се физиолошки значајни:
- α-линоленска киселина (ALA);
- Еикозапентанонска киселина (EPA);
- Докохексаноинска киселина (DHA).
Лененото семе содржи α-линоленска киселина која во телото се претвора во еикозапентанонска киселина и докозахексаноинска киселина.
Стандардната доза на лененото семе содржи околу 0.001 g протеини и 13.6 g масти.
Еикозапентанонска киселина е потребна за зачувување на физичкото и менталното здравје, може да се најде во риба и рибино масло. Докохексаноинска киселина е една многу важна киселина за целото тело, особено за мозокот и имунолошкиот систем и има кардиопротективно дејство. Може да се најде во школки, риби и рибино масло. α-линоленска киселина се презентира само во растителни култури, како што се лененото семе, семето од репка, соја, коноп семиња, ореви. Внесена α-линоленска киселина може да се конвертира во телото на EPA и DHA. Овој процес е потпомогнат од ензими.
Факторот на конверзија на киселината зависи од вашата лична исхрана и здравјето на дигестивниот систем, односно конверзијата на α-линоленска во еикозапентанонска и докозахексаноинска киселина зависи од моменталното ниво на друга храна и хранливи материи како што се витамините Б6 и Б7, бакар, калциум, магнезиум, цинк и железо, кои во голема мера недостасуваат во денешната исхрана, особено во случај на вегетаријанците.
Нутритивното значење на лененото семе е огромно! Лененото семе е најбогато со витамин Б-17, а човечкиот метаболизам за да може да го искористи, мора да биде мелено. За оние кои не знаат – земањето на витамин Б комплекс може да биде корисно ако и само ако најмалку два часа по земањето на овој витамин не се консумира бел шеќер !
Поседува силен антиканцероген ефект, заштитува од срцеви заболувања, мозочен удар и тромбоза, го намалува холестеролот и високиот крвен притисок.
Како неговите ефекти можат да ја подобрат дигестијата?
Опстипација претставува бавна елиминација на храна и отпадни производи од дигестивниот тракт. Почетокот обично е проследен со симптоми како вртоглавица, гасови, болки во грбот и замор. Лененото семе веќе долги години е традиционално средство за борба против опстипацијата, токму поради неговите природни својства на одржувач на нормалната цревна флора. Во исто време, маслото од ленено семе е одлично средство за лекување на дијареа и дијареалните симптоми. Студиите објавени во етно – фармаколошкиот весник од 2017 година покажуваат дека двојниот ефект што се јавува во олеснувањето на симптомите како на опстипацијата така и на дијареата, се одличен индикатор за повеќекратните предности на користењето на масло од ленено семе, со цел подобрување на дигестијата во целост.
Лененото семе е мошне добар лаксатив
За разлика од синтетичките лаксативи, овој природен производ не е способен да ја нарушува цревната микрофлора. Лененото семе може да произведе дебела протективна слузокожа, која го штити телото од штетните ефекти на грубата или иритирачка храна, која само може да ја надразне слузокожата. „Метаболичен бум“ е веројатно најважниот фактор кој го поседува лененото семе во борбата за ефикасно намалување на телесната тежина. Ленот активно ги разградува мастите, продира во нашето тело и брзо ги елиминира. Покрај тоа, и маслото од ленено семе е одлично за намалување на телесната тежина, бидејќи го спречува задржувањето на водата во телото, го забрзува метаболизмот и ги намалува маснотиите. Благодарение на големиот процент на диететски влакна, лененото семе го намалува и гладот.
Едноставно, ленено семе – ситно но многу битно!
