Шкафчето во бањата е лошо место за чување лекови

Шкафчето во бањата e одлично место за чување на тоалетни производи, но не и за лекови 

Температурата и влажноста во бањата можат да доведат лековите што таму ги чувате да се расипат многу побрзо отколку во нормални услови. Многу лекови, особено оние во форма на апче можат да траат многу долго, дури и подолго отколку датумите на важност, но само доколку се чуваат правилно. Несоодветната температура, светлината и влагата можат да доведат некои активни состојки во лековите да се расипат или да испарат.

Идеални услови за чување на лековите се студени, суви и темни места.

Шкафчињата во бањата можеби се темни места, но тоа е дел од домот каде што преовладува влажноста и екстремните промени во температурата кога се бањаме. Експертите препорачуваат чување на лековите добро затворени по првото отворање во фиока во спалната соба, во гардероберот или пак, во едно од шкафчињата во кујната и се разбира подалеку од шпоретот. Чувањето на лековите на прозорецот, исто така не е добра идеја.

Лековите најдобро е да се чуваат во оригиналните пакувања и на места недостапни за деца и животни.

Американската агенција за храна и лекови (FDA) препорачува заклучување на лековите во специјални кутии или сефови, не само за да се оттргнат од дофатот на малите деца, туку и за да се спречат љубопитните тинејџери. Повеќето лекови треба да се чуваат на собна температура, а не во фрижидер, доколку аптекарот или лекарот не ви кажале поинаку. Во фрижидер се чуваат само одредени лекови по нивното отворање за што пишува на нивното упатство за употреба. Секогаш кога не сте сигурни каде и како да чувате одреден лек, прашајте го вашиот лекар или фармацевт. Задолжително проверувајте го рокот на лековите кои ги чувате во домот и фрлете ги оние со поминат рок, но и оние кои што не планирате да ги користите. На овој начин превенирате можна употреба на лекови што ја изгубиле својата ефикасност и можеби станале токсични.

[interaction id=”5788e1adeaef76d524d2a4aa”]