probiotici-i-ors-vo-prvata-linija-na-odbranata-pri-povrakjanje-i-dijarei_image
Споделете со пријателите!

Пробиотиците се исклучително битни бидејќи истите овозможуваат баланс на бактериите во дигестивен систем
Повраќање и дијареа можат да бидат предизвикани од различни причинители вклучително и инфекции од вируси, бактерии и паразити. Исто така може да биде предизвикана од токсини, јадење заразена храна, некои лекови како антибиотици и јадење на храна која од различни причини тешко е да се свари. Додека пациентот повраќа и има дијареа постои опасност од сериозна дехидратација, која особено е опасна кај бебиња, деца како и кај повозрасната популација. За да се спречи ќе наведеме само неколку препораки.

Останете хидрирани

Се препорачува пиење на чиста вода за да се надополнат течностите кои се изгубени. Со дијареа и повраќање, телото губи голема количина на течност и сол. За да се избегне нарушување на балансот на сол, неопходно е да се пие солена варена вода. Ако прекинувањето на повраќањето и гадењето не се повлечат, пијте слаб зелен чај со нане. Можат исто така да се пијат хербални чаеви (на пр. камилица) за да се олесни болката во желудникот.

Растителни влакна

Јадете повеќе растителни влакна – вклучувајќи ориз, морков, целер. Растителните влакна помагаат за да се аспорбира повеќе вода и да се направи нормална столица и со тоа да се спречи дијареата.

Земете пробиотици

Пробиотиците се исклучително битни за време да дијареа и повраќање, и битно е да се употребат по препораките од лекар или фармацевт. Тие овозможуваат баланс на бактериите во ГИТ – Гастроинтестинален тракт. Неколку типови на пробиотици се препорачуваат, меѓутоа пробиотикот  Saccharomyces boulardii, има некои интересни карактеристики кои го прават прв избор при третман на дијареа и повраќање. За него е битно дека не се колонизира во телото, туку по неколку дена се исфрлува, природно е отпорен на антибиотици, па нема потреба да се разграничува времето меѓу земање антибиотик-пробиотик, и овозможува на нормализирање на цревна флора во ГИТ, после завршувањето на дијареата и повраќањето.

Прочитајте:  Пробиотици – неизбежни во секоја патна аптека

Други истотака ефикасни пробиотици се Lactobacillus rhamnosus GG, Lactobacillus acidophilus, и Bifidobacteria.

Користете ОРС

ОРС или орални рехидратациони средства – кои овозможуваат внес на натриум, калиум и други електролити со кои се надополнува изгубената сол и јаглехидрати. Тие се специјално дизајнирани за доенчиња и мали деца кога настапува умерена до силна дехидратација, воспаление на очи, недостаток на солзи, сува уста и помалку од една мокра пелена на 6 часа кај бебињата. Со орална рехидрација треба да се започне што побрзо – ОРС  треба да се даде веднаш штом започнат симптоми на акутна дијареа со цел да се спречат компликациите. Предност се дава на хипотоничните ОРС, со концентрација на натриум 60 mmol/L, и глукоза 74-111 mmol/L

Треба да се спроведе брза перорална рехидрација во период од 3-4 часа, и што побрзо да се воспостави нормална исхрана.

Д-р Маргарита Камбовска, специјалист педијатар

PharmaS_ProBalans_DIARINO_ORS_700x90


Споделете со пријателите!