stari-lekovi-za-novi-bolesti_image
Споделете со пријателите!

Меѓународна група истражувачи неодамна открија повеќе од 30,000 нови „шанси“ за употреба на веќе постоечките лекарства
Шизофренијата е сериозно психолошко заболување кое предизвикува дисбаланс во мозочните неуротрансмитери. Туберколозата пак, од друга страна е инфективна болест на белите дробови, предизвикана од бактеријата Mycobacterium tuberculosis. Во одредени случаи тоа може да доведе и до енцефалитис, акутна инфекција и воспаление на мозокот.

„Хлоропромазин е еден многу лекарства коишто потенцијално можат да се употребат и за многу други заболувања освен за тие за кои првично се наменети

Се разбира, очигледно е дека двете заболувања немаат допирни точки. Но, научниците открија дека одредено лекарство за шизофренија, исто така може да ја лекува и туберколозата. Тој лек е со генеричкo име хлоропромазин и е еден од илјадниците лекарства коишто потенцијално можат да се употребат и за многу други заболувања, освен за тие за кои првично се наменети. Меѓународен тим истражувачи имаат развиено специјален компјутерски софтвер кој може да предвиди кое лекарство може да делува и врз друго заболување.

Кога системот ќе детектира можно совпаѓање, тогаш научниците пребаруваат низ научната литература за да проверат дали во минатото тој медикамент бил употребен за лекување на нешто друго освен за првичната намена. Според нив, оваа платформа се обидува да го реши предизвикот на пронаоѓање на тоа, веќе познатите лекарства да се употребуваат за други болести, покрај основното за кое се креирани.

Многу години наназад, во медицината е работено на т.н. „заменска терапија“ и е добро познато дека одредени медикаменти имаат ефект на повеќе од една болест.

Многу од употребуваните производи можат да се користат за слични болести, како на пример различни видови на рак. Но, научните работници откриле и други нови изненадувачки совпаѓања (користење на лекарства). На пример, лекот за шизофренија, може да се користи и за лекување на туберколоза, за воспаление и како лек за Паркинсонова болест.

„Лекот вообичаено ќе влијае врз еден или повеќе протеини, креирани во нашето тело, кои контролираат различни процеси“

Лекот вообичаено ќе влијае врз еден или повеќе протеини, креирани во нашето тело, кои контролираат различни процеси. На пример, медикаментот за шизофренија ќе влијае врз апсорпцијата на невротрансмитерот допамин во мозокот. Производството и апсорпцијата на протеинот е контролирано од еден или повеќе особени гени. Ако друго заболување е поврзано со нарушувањето на протеинот или гените кои ги контролира, тогаш има голема веројатност дека лекот позитивно ќе ги третира двете заболувања.

Прочитајте:  Што кажува јазикот за вашето здравје?

Кај туберколозата и шизофренијата, тоа може да биде бактерија, која ја предизвикува ТБЦ и во некои случаи може да влијае врз рецепторите кои го ослободуваат допаминот и се блокирани од лекот за шизофренија. Новите истражувања можат да донесат само придобивки за пациентите. Да се развие нов лек од почеток е макотрпно и чини многу пари. Тој мора да се развива и да се тестира на животни, пред истиот да биде тестиран врз голем број луѓе. Со новото истражување повеќе не е потребно да се тестира безбедноста на лекот кој веќе бил одобрен за употреба.


Споделете со пријателите!