Развод. Бизнис. Патувања. Семејство. Не сте знаеле дека недостатокот на сексуална активност може негативно да влијае на вашето здравје?
Постојат многу причини зошто вашиот сексуален живот може да страда. Во продолжение на овој текст прочитајте неколку работи кои ви „се закануваат“ доколку го продолжите тоа темпо на живот без секс:
Напади на нервоза
Сексот понекогаш служи како вентил за нервоза, додека шкотските научници се согласуваат дека луѓето кои апстинираат од секс потешко ги поднесуваат стресните ситуации, како што е јавното говорење, за разлика од оние кои имале односи во изминатите две недели. За време на сексот, мозокот го ослободува хормонот на „среќата“ кој пак ве релаксира, велат научниците.
Мажи, поголема е веројатноста за развој на рак на простата
Мажите кои апстинираат од секс ја испуштаат можноста за заштита која ја овозможува простатата од нејзина честа „употреба“. Во една студија презентирана од „Американската асоцијација на уролози“ се вели дека мажите кои имаат секс често, шансите да заболат од рак на простата се намалени за 20 проценти. Причината е веројатно дека за време на ејакулација од простата се отстрануваат потенцијално штетни материи.
Ослабен имунолошки систем
Недостаток на сексуална активност може да го ослаби вашиот имунолошки систем и да ги оневозможи сите предности што тој ви ги нуди. Истражувачи од Пенсилванија откриле дека луѓето кои два пати неделно уживаат во сексот, имаат пораст од 30 отсто на имуноглобин (антитела) – IgA, која е на првата линија на одбрана на телото од вируси, пренесува „prevention.com“.
Несигурноста во врската расте
Без секс, сè помалку има среќа, поврзаност и сигурност во партнерот. Живот без секс во бракот може да има негативно влијание врз довербата, па оттука се јавуваат и сомнежи во верноста на партнерот. За да се избегне параноја како и евентуално прекинување на врската, држете се за раце, бакнувајте се или подарувајте си подароци без повод… Покажете дека се грижите и тоа ќе ви помогне во обновување на блискоста со вашиот партнер.
Мажи, вам ви се заканува еректилна дисфункција
Избегнувате секс? Не дозволувајте тоа да стане нешто што е неизбежно. Според една студија објавена во американскиот магазин за медицински прашања, мажите кои ретко водат љубов имаат двојно поголема веројатност да доживеат еректилна дисфункција. Авторот смета дека со оглед тоа што пенисот е мускул, редовниот секс може да одржи силната ерекција исто како што вежбањето може да се задржи мускулите во добра форма.
Може да бидете депресивни, но не од очигледна причина
Жените без секс, почесто запаѓаат во депресија, но тоа не значи дека само недостатокот на секс е причинителот на депресија. Една студија објавена во списанието „Архива на сексуално однесување“ откриваат дека жените чии партнери користат кондоми, може да бидат исто толку депресивни. Научниците веруваат дека ова се должи на одредени состојки на спермата, како мелатонин, серотонин и окситоцин, што директно може да влијаат на расположението на жената.
