zhivot-posle-razvod-5-raboti-shto-nikoj-ne-vi-gi-kazhuva_image
Споделете со пријателите!

Ќе бидете толку зафатени обидувајќи се да бидете стабилни – емоционално, финансиски итн. – до степен што едноставно ќе престанете да се фокусирате на мислењето на оние кои не ве поддржуваат.
Разводот може да биде уништувачки и болен како и смртта. Може да се чувствува како да ви ја отсекуваат ногата. Дури и кога би го гледале вашиот поранешен партнер затоа што имате деца, улогата што ја играл во вашиот живот е изгубена а на нејзино место е превземена нова, благодарение на вашата разделба.

Сепак, никој не ни кажува дека, како и секој предизвик, и тука има простор за подобрување. Дури и ако имало крајно болни моменти во разводот, може да се случат добри работи ако можете да ги забележите и да им дозволите да растат.

За да ви биде полесно да ги забележите свртете го вашето внимание на 5 големи работи што никој не ни ги кажува пред разводот.

1. Можеби никогаш не сте замислувале дека ќе ви се случи, но ова е најдобрата втора шанса во вашиот живот

Разводот е спектакуларен катализатор на промените. Идеите за тоа кој сте сакале да бидете одсекогаш (можеби заборавен со години) се враќаат на сцената.

Некои од бариерите кон вашите соништа, како што е неодобрувањето на вашиот партнер, исчезнале. Вие имате повеќе опции отколку што можете да замислите, и можноста да се фокусирате на себе повторно е тука.

Ако имате деца и заедничко старателство, конечно ќе добиете слободно време. Во најмала рака, престанувате да ги трошите вашето време и енергија во обид да заживеете врска што умира.

Како да се постигнете рамнотежа помеѓу романтичните средби и родителството по разводот.

2. Ќе научите непроценлива лекција за тоа колку е важно туѓото мислење

Отпрвин може да бидете загрижени дека другите ќе почнат да се однесуваат поинаку кон вас затоа што сте во процес на развод. Можеби ќе изгубите време обидувајќи се да ја задржите визијата за себе и пријателствата склучени за време на бракот.

Но, добро е да имате предвид дека некои пријателства, а понекогаш и професионалните врски, ќе исчезнат природно како што се менувате.

Ќе бидете толку зафатени обидувајќи се да бидете стабилни – емоционално, финансиски итн. – до степен што едноставно ќе престанете да се фокусирате на мислењето на оние кои не ве поддржуваат. Со текот на времето, ќе доживеете промена и во вашата свест.

Разводот не ве направил помалку човек и сега е време да го следите вашиот сопствен пат.

Прочитајте:  Прв семинар за инстинктивна самоодбрана во Скопје

3. Ќе станете храбри на начин на кој никогаш порано не сте ни помислувале дека е можен

Она што е забележително дека се случува е дека кога ќе го доживеете најлошото што некогаш сте можеле да го замислите – помалку се плашите од несигурност. Вие сте разведени, но живи сте!

Почнувате да го чувствувате времето што ви го дава срцето.  Ова ви овозможува да размислите за прашањето: „Што е најлошото што може да се случи?“ Бракот беше неуспешен, но што е најлошото што може да се случи сега?

На чуден начин, станувате поотворени кон животот.

Кога станувате поотворени за нови искуства и помалку се плашите од можниот исход, почнувате да ризикувате а со тоа си  овозможувате личен раст

4. Како и да е, вашите деца ќе напредуваат

Децата честопати се прилагодуваат на промените многу подобро отколку што очекуваме. Студиите покажуваат дека после развод неретко израснуваат возрасни кои имаат високо чувство и полесно се адаптираат на промени.

Ова не значи дека децата ќе го поднесат лесно разводот, и секако дека ќе им е потребна вашата поддршка за да се навикнат на нов начин на живот и ќе им треба време да се прилагодат.

Додека вие откривате што значи да не бидеш во брак, тие истражуваат што значи да се биде дете на разведени родители. Семејното советување може да биде простор каде што тие можат слободно да ги изразат своите емоции и да научат ефективни животни вештини по разводот, но не секогаш е потребно да се обратиме до советник. Иако форматот на семејството е променет, децата сè уште имаат пријатели и училишен живот, а нивните интереси ќе бидат корисни за надминување на стресот во овој период. Обидете се да одржувате позитивно наелектризирана емоционална атмосвера дома, бидејќи тоа ќе им даде мир, особено ако се адолесценти.

5. Разведени сте но  сте посреќни отколку кога сте биле во брак

Несакан ефект на промената е среќата. Вие станувате ваш приоритет, сега сте личноста што отсекогаш сте сакале да бидете, и сте безстрашни. Се разбира, ќе има денови кога ќе се вратите со болка, но иднината е пред вас, и вие го знаете тоа.

Веќе не се борите со промените и во одреден момент вашиот живот ќе започне да се олеснува. Ќе се чувствувате полесно затоа што повеќе не мора да се занимавате со расправии, неверство, недостаток на физичка привлечност и која било друга комбинација на фактори кои го убиле вашиот брак.


Споделете со пријателите!