Прочитајте неколку корисни навики кои што влијаат врз продоложување на животниот век
Многумина сметаат дека должината на животниот век зависи исклучиво од генетиката. Преку бројни испитувања, засега се знае дека гените се важни, но не и најважни. Денес е познато дека врз долговечноста влијаат надворешни фактори, како храната и животниот стил.
Едно обемно истражување наречено „Сини зони“, спроведено од истражувачи на предводени од Ден Бутнер – Dan Buettner, ги опфаќа оние заедници кои се познати по долговечност. Преку методолошки пристап и голем тим на истражувачи кои ги набљудувале животните навики и начинот на кој живеат во тие заедници, Бутнер истакнува неколку заеднички црти и навики кои се однесуваат за сите нив. Никој од луѓето кои што имаат над 100 години во овие заедници, никогаш не вежбале, туку цел живот биле и сè уште се физички активни најголем дел од денот.
Друга важна заедничка одлика е дека сите тие самостојно ја одгледуваат храната што ја консумираат, а воедно и внимаваат како јадат, односно не се прејадуваат.
Што се однесува до социјалните интеракции и организација на заедницата, кај сите се забележува почит и грижа кон постарите како и голем круг на пријатели. Исто така, Бутнер заклучува дека за здрав животен стил, многу е важна и околината, односно навиките на луѓето се кои се дружите. Доколку вашите пријатели се склони кон нездрави животни навики, неактивност, прекумерно консумирање алкохол, ваквиот животен стил негативно ќе се одрази на вас на долгорочен план.
Петте совети за здрави навики кои што воедно се и научно потврдени, а влијаат врз продолжување на животниот век се следниве:
1. Не се прејадувајте
Едно истражување покажува дека доколку дневниот внес на калории се намали за 10 до 15 проценти, може да го зголеми животниот век а воедно и да ве заштити од болести. Во Јапонија е честа навика, особено меѓу долговечните луѓе, да престанат со јадење откако се чувствуваат околу 80 проценти најадени. Нешто слично како изрека се кажува и кај нас која гласи „Кога ти е најслатко, тогаш си сит“. Овие навики и изреки укажуваат на умереност во јадењето и пиењето како најважни навики за здрав живот и долговечност.
2. Спијте во исти временски интервали
Спиењето е клучно за целокупното здравје. Една неодамнешна студија открива дека долговечноста во голема мера зависи од редовен и квалитетен сон. Имено, не е важно само колку часови сон иамте, туку и легнувањето во исто време секоја вечер. Многуте часови сон се подеднакво штетни колку и недостатокот од сон. Спиењето помалку од пет часа може да го зголеми ризикот од развивање на состојби како дијабетес, срцеви заболувања и дебелина. Сите овие здравствени состојби го намалуваат животниот век. Од друга страна, прекумерното спиење може да доведе до депресија, мала физичка активност и неоткриени здравствени состојби кои што исто така го намалуваат животниот век. Спиењето помеѓу седум и осум часови секоја ноќ помага да живеете подолго.
3. Умереност во консумирање алкохол
Прекумерното консумирање алкохол се поврзува со заболувања на црниот дроб, срцето и панкреасот, но умереното пиење се поврзува со намалување на некои болести. Едно истражување открива дека подолговечни се оние кои умерено пијат вино во споредба со оние кои што пијат пиво. Виното помага при срцеви заболувања, дијабетес и многу други. Препорачаните граници опфаќаат една чашка вино за жени а две чашки за мажи.
4. Престанете со пушењето
Добрата вест поврзана со пушењето е бидејќи никогаш не е доцна да престанете. Една студија открива дека оние пушачи кои што се откажале од пушење до 35-тата година од животот, може да го продолжат својот животен век дури за осум и пол години.
5. Негувајте ги пријателствата
Одржувањето на здрави социјални врски, може да ви помогне да го зголемите животниот век за дури 50 проценти. Стабилниот социјален круг делува врз намалување на стресот и делува позитивно врз срцето и мозокот, како и на подоброто функционирање на хормоните и имунитетот.
