novo-grlo-e-najnovo-dostignuvanje-na-regenerativnata-medicina_image
Споделете со пријателите!

Научниците постојано експериментираат со разновидните начини што можат да им помогнат на луѓето повторно да си ги пораснат оштетените, ампутираните или болните делови од телото
Во иднина секој дел од телото најверојатно ќе можеме да си го пораснеме. Пациент кој изгубил голем дел од своето грло поради тешка инфекција успеа да се регенерира. Новото грло му е пораснато со помош на мрежеста цевка најчесто користена за отворање на затнатите артерии. Тимот од лекари објави во Lancet medical journal, дека пациентот парализиран од вратот надолу конечно може да голта и да јаде нормално, по многу проблематични години поради потешкотиите со неговиот хранопровод.

Ова е уште еден чекор напред во полето на регенеративната медицина.

„Ова е прва операција на човек и онаа којашто ја преземавме како мерка за спасување откако ќе се исцрпат сите други можности на нас и пациентот“ – изјави Д-р Калвиндер Дуа – Kulwinder Dua од Медицинскиот колеџ во Висконсин што го предводеше истражувањето. Тој додаде дека далеку сме од моментот ова да стане рутинска операција, но таа може да биде особено корисна за луѓето со рак на хранопроводот.

„Четири години по отстранувањето на стентот, пациентот јадел нормална диета и одржувал стабилна тежина“ – додаваат докторите.

Дваесет и четиригодишниот пациент имал многу опасна инфекција што му оштетила поголем дел од неговиот хранопровод откако тој бил парализиран во сообраќајна несреќа. Тогаш на хирурзите тешко им се гледала можноста за поправка на штетата. Оперативниот тим употребил комерцијално достапен стент (жичена мрежеста цевка нормално користена за отворање на затнатите артерии).

Хирурзите истакнаа дека хранопроводот е пораснат делумно од надворешни материи и делумно од сопствените клетки на пациентот.

„Не е невозможно да се изградат делови од телото користејќи матрица и клетки.“

Тие исто така употребиле комерцијално достапна матрица за ткиво и ја испрскале целината со тромбоцити (клетките што исцелуваат) извадени од крвта на пациентот. Научниците велат дека новиот орган не пораснал глатко. Стентовите се запушиле со ткиво по неколку години и требале да бидат извадени кога пациентот имал проблеми со голтањето. Но потоа хранопроводот закрепнал добро.

Прочитајте:  Рак на грлото на матката

Пред неколку месеци тим од Универзитетот Wake Forest изјави дека искористиле комбинација од живи клетки и специјален гел за да испечатат живи човечки делови од телото вклучувајќи уши, мускули и вилици. Во видеото е прикажан случајот со малото девојче – двегодишната Хана која беше родена без трахеја. Таа не можеше да голта самостојно. Таа не можеше ниту да јаде ниту да пие. Таа цел свој живот го помина со туба за дишење во својата уста и не се очекуваше да наполни шест години.

Експерименталната оперативна процедура одобрена само поради тоа што девојчето се очекуваше наскоро да умре, ѝ го порасна делот од телото што ѝ недостасуваше исто така по пат на регенеративна медицина. Лекарите најпрво направиле пластична матрица, а потоа во неа ставиле матични клетки од колкот на пациентката. Новиот орган бил имплантиран во нејзиното грло со девет часовна операција. Она што е интересно да се напомене е дека новата трахеја била создадена од сопствените клетки на Хана, така што нејзиниот систем е помалку веројатно дека ќе го отфрли органот што бил направен за да биде дел од неа.


Споделете со пријателите!