coveckiot-mozok-i-multitaskingot_image
Споделете со пријателите!

Во денешно време, се повеќе и повеќе се занимаваме со вршење на многу работи истовремено. Што се случува во нашиот мозок додека тоа трае?
Денешниот брз начин на живот, кој патем е виновен и за многу други работи кои н  се случуваат, е исто така една доста важна причина за мултитаскингот. Можат да се видат луѓе кои одат и истовремено пишуваат СМС порака, јадат и зборуваат на телефонот, итн. Меѓутоа, на кој начин всушност нашиот мозок одлучува на кои работи да се сконцентрира, а кои работи да ги потисне додека се концентрира на првите? Ова било предмет на истражување на група научници, а еве кои се резултатите од ова истражување.

„Резултатите од овие истражувања покажуваат дека префронталниот кортекс има огромно значење во нашето секојдневно функционирање“

Една од главните улоги на префронталниот кортекс на мозокот е одговорноста за донесувањето на одлуки. Овој дел од мозокот, исто така има улога да одлучи колкава количина на визуелна или аудитивна информација да процесира во даден момент. Според ова истражување мозокот ја контролира количината на информации која ја прима, односно ги ограничува и ги филтрира сетилните информации на кои не сакаме да обрнеме внимание.

Научниците всушност го барале одговорот на прашањето како мозокот ги филтрира тие непотребни информации додека врши повеќе работи истовремено. За таа цел биле извршени експерименти врз лабораториски глувци. Била надгледувана способноста на глувците да ја земат наградата која им била дадена додека истовремено обрнуваат внимание на светлински или звучен сигнал. За да се направи ова, на глувците им се одземало вниманието, односно, кога тие очекувале светлина да ги води до наградата им бил пуштан некаков звук и обратно. Научниците го следеле однесувањето на глувците за време на експериментот. Според резултатите, способноста за земање на наградата кај глувците кои биле деконцентрирани опаднала од 90% на 70%.

Прочитајте:  Состојба со грип во Република Македонија, сезона 2017/2018
за 48-ма недела

Резултатите од ова истражување покажуваат дека префронталниот кортекс има огромно значење во нашето секојдневно функционирање. Овој дел во мозокот ни помага да се фокусираме на една работа и да ги потиснеме останатите работи кои може да ни го одземат вниманието. Но, тоа не значи дека сите ние би биле добри во мултитаскингот. Кога работиме повеќе работи истовремено нашето внимание се префрла од една на друга работа, а тоа може да н  направи побавни. Па така, ние не би биле добри во ниту една од повеќето работи кои ги извршуваме.

Благодарение на ова истражување, ние можеби дознавме како мозокот функционира кога извршува повеќе работи одеднаш. Но, дали мултитаскингот е во ред? Понекогаш, ние свесно се впуштаме во мултитаскингот, но не секогаш сме добри во сите работи кои ги извршуваме. Можеби е добро за промена, свесно да се сконцентрираме само на една работа во даден момент и да ги споредиме добиените резултатите.


Споделете со пријателите!