zoshto-ne-mozhe-da-se-oslabne-samo-kardio-vezhbi_image
Споделете со пријателите!

Неодамнешните студии во светот на спортот покажуваат дека кардио тренинзите сами по себе не се најдобро решение за разградување на масното ткиво во телото
„Во просек, кога трчате, согорувате 500 калории на час, што не е особено задоволително.“
Неодамнешните студии во светот на спортот покажуваат дека кардио тренинзите сами по себе не се најдобро решение за разградување на масното ткиво во телото. За да се стопат мастите ефективно потребно е уште нешто. Ако сакате да го отстраните вишокот килограми и при тоа да изградите повеќе атлетско тело, заедно со кардио треба да се практикуваат и некои потешки вежби во фитнес сала. Долготрајното џогирање не придонесува за стимулирање на секрецијата на хормонот за раст и за производството на тестостерон кои се два фактори и клучни елементи за користење на мастите во телото. При монотоно џогирање не се добива најефикасното согорувањето на мастите и сами ќе забележите дека станувате многу по издржливи со секој изминат ден, но тоа не се одразува особено на вашиот физички развој, што се однесува до акумулација на чиста мускулатура и обликување на тело. Во просек, кога трчате, согорувате 500 калории на час, што не е особено задоволително. Научниците дошле до заклучок дека интензитетот на тренинзите има клучно значење во потрошувачката на калории, а при монотоно трчање, таа е прилично ниска, што практично значи дека џогирањето е лош инструмент за добивање на добри резултати. Значи, каде ќе го фокусирате вашето внимание ако сакате да изгубите маснотии и не сакате да ги изгубите мускулите?

Прочитајте:  Како до мускули

1. Придржувајте се кон добра исхрана.

Јадењето е главен столб во фитнесот. Ова значи дека треба да ја прилагодите вашата исхрана на тренингот кој го практикувате. Храната која обезбедува оптимални нивоа на микро и макро нутриенти е од суштинско значење за вашето здравје и физичка состојба. Откако сте сигурни дека сте го задоволиле овој витален аспект во процесот на слабеење, ќе бидете добро подготвени да тренирате и да се справите со фитнес-компонентите.

2. Тренинзи за сила

Кратките, но интензивни тренинзи за сила ќе ја забрзаат способноста на вашето тело да ја катаболизира маснотијата како гориво. Значи, драстично треба да ја намалувате вашата кардио активност ако сакате да изгубите тежина и да ги заложите речиси сите карти на вежби за сила. Ако користите полесни тегови, но со повеќе повторувања, ќе имате подобри резултати отколку со џогинг. За уште подобри резултати, направете ја серијата до откажување со што дополнително го подобрувате ослободувањето на хормонот за раст. Запомнете уште нешто: не дека треба да го исклучите кардио вежбањето како алатка за слабеење, но чистењето на мастите може да настане и да биде ефективно и со високоинтензивните кардио вежби што можете да го вклучите неколку пати неделно. Долго и монотоно џогирање или возење велосипед може да се користи но само како алатка за обновување при активен одмор. И она што навистина треба да се запамети е дека вашето најмоќно оружје треба да остане работа со тежини и фитнес машини особено кога сакате драстично да намалите тежина.


Споделете со пријателите!