samija-za-vezbanje
Споделете со пријателите!

Нова технологија на удобни шамии за вежбање, наменети за забулените муслимански жени
Покрај модернизирањето на светот, некои муслимански жени самостојно одлучуваат или пак, се принудени да бидат забулени, т.е. да носат (најчесто црно) фереџе без разлика на временските услови. Сепак, начинот на кој се облекуваат не мора автоматски да значи дека треба да се откажат од она што сакаат да го прават во животот или пак, да се откажат од спортските активности, круцијални за здраво тело и здрав дух и за квалитетно живеење.

„Животниот стил нетреба да значи и откажување од она што се сака, а особено не од спортските активности, кој живот значат“

Во некои држави носењето фереџе е забрането. Франција им забранува на жените да го покриваат лицето со шамија во јавноста, поради тоа што според властите човечкото лице не треба да биде покриено, а за време на Азиските игри во 2014 година многу од жените беа дискриминирани и им беше забрането да носат џихаб за време на натпреварите. Останатите поголеми градови на ЕУ го следеа овој пример, меѓутоа критичарите велат дека ваквите забрани ја спречуваат слободата на избор, слободата на изразување и религиозна определба.

Индустриите кои произведуваат спортска облека ширум светот, најчесто го избегнуваат муслиманскиот пазар, со тоа што не сакаат да произведуваат традиционални марами за на глава или шамии-фереџиња за булите, носени поради религиозни причини. Но, кога жените вежбаат со вообичаена шамија, целата глава и коса им се претопува, како што е случај и останатиот дел од спортската облека. Покрај заштитата од потење, шамиите треба да бидат издржливи и да соодветствуваат со временските услови, како дожд, топлина или сончеви зраци.

Прочитајте:  Како лесно да се ослободите од гравитациските мускули

samija-za-vezbanje_2

Фирмата Веил Гарметс – Veil Garments се обиде и успеа да ја пополни таа празнина на пазарот за спортска облека. Нивните модернизирани спортски шамии се отпорни на вода и имаат технологија на ладење. Надворешноста на марамата се состои од водоотпорен слој, што не пропушта дожд и прави водата да се слева по површината, а со тоа и материјалот не се натопува со пот кога фереџето се носи за време на вежбање.

„Јас помислив дека има толку многу напредни технологии кај спортската облека. Зошто ова до сега никој не го сторил за џихабот?“ – вели основачот на брендот Ахмад Ганем – Ahmad Ghanem. „На овие жени ваквите технологии им требаат повеќе од било кој спортист…“, додава Ахмад.

Технологијата за ладење буквално ги рефлектира сончевите зраци од површината на материјалот. Тоа обезбедува ефикасна заштита од топлотен удар. Вообичаените црни материјали користени за производство на марами за булите, апсорбираат до 90% од сончевите зраци. Оваа нова технологија рефлектира до 80% од топлотните зраци, со што носењето на овие фереџиња особено за време на спортувањето дава екстра комфорт. Исто така, наместо вообичаените методи на сечење и шиење, овие шамии се произведувани со метода на ласерско сечење на рабовите на ткаенината, со што распарталувањето на рабовите е невозможно.

Саемот Headwrap Expo 2015, кој се одржа во Дербон, Мичиген – Dearborn, Michigan, исто така имаше за цел да ги разбие стереотипите за оваа традиција, како и да испромовира нови стилови, нови материјали и техники на носење на марамите и турбаните.


Споделете со пријателите!