Антигравити фитнес

Со Антигравитацискиот фитнес движете се слободно во секој правец на отворен простор.

Едноставно-Оригинално-Сосема автентично

Деформитетите, лошото држење на телото и лошата исхрана, се најзастапените патолошки состојби утврдени при извршувањето на систематските прегледи. Најголем процент од нив отпаѓаат на деформитетите на ‘рбетниот столб и градниот кош. Седењето со часови пред комјутер, играњето на телефон и немањето на физичка активност се главните причини за ваквата состојба. Одржувањето на правилно држење на телото ја спречува појавата на крутост на мускулите и ја намалува болката и стресот врз зглобовите. Доброто држење на телото, исто така, помага да се намали и ризикот од можните деформитети, вклучувајќи кифоза, лордоза, сколиоза, вкочанет врат, а особено болки во долниот дел од кичмата. Лошото дршење и искривувањето на ‘рбетот може да допринесат за дополнителни здравствени проблеми или појава на болка, вклучително и мускулни грчеви, дигестивни нарушувања, потиснати нерви, дискус хернија и недостаток на проток на крв во мозокот и виталните органи. Особено важни се вашите навики во вашата дневна рутина. Една од овие ваши дневни рутини нека стане и Антигравити Фитнес.

Што е всушност Антигравити Фитнес?

Станува збор за фитнес компанија основана од Кристофер Харисон во 2007 година, со седиште во Њујорк, специјализирана за хибридни техники на воздушен фитнес, кои комбинираат примена на вежби од јога, пилатес, балетски вежби и традиционални техники за обука на различни наставни програми за вежбање. Харисон најпрво ја разви програмата наречена AntiGravity Aerial Yoga, која се базира на вежби за загревање, наменети за загревање зад сцената со кои тој ги водел неговите спортисти како режисер/кореограф на изведувачката група AntiGravity , Inc. Од 2007 година па се до денес, Харисон има развиено седум сопственички фитнес програми под брендот AntiGravity Fitness, кој сега е лиценциран во фитнес центри во повеќе од 40 земји. AntiGravity Fitness, исто така, ги води и програмите за обука на инструктори како дел од нивните договори за лиценцирање, кои им овозможуваат на сите оние што имаат желба да ги научат Антигравити Фитнес техниките. Овие програми ги водат обучени и лиценцирани инструктори и обично траат 75 минути. Пред започнувањето на часовите, најпрво се прилагодуваат на поединечните височини на учесниците и секоја лекција почнува и завршува со водени медитации. Студентите потоа водени од нивните инструктори преку серија движења и пози прилагодени на нив, се фокусираат на флексибилноста и развојот на телото.

Ова воздушно тренирање за цело тело ги комбинира елементите на јога, пилатес и балет со висечка импровизирана лежалка. Особено погодни за репарација на лошото држење на телото.

Еден од камен-темелникот на AntiGravity техники е концептот на „инверзии на нулта компресија“. За време на инверзиите, учесниците висат наопаку, поддржани на половината и колкот од страна на хамакот, ослободувајќи го притисокот од вратот и ‘рбетот зголемувајќи го протокот на крв во мозокот. Кристофер Харисон и некои студенти ги прават овие инверзии со привремено зголемување на висината на телото до еден инч или повеќе.

Оној кој еднаш ќе проба, веднаш ќе биде заинтригиран и понесен од идејата. Антигравити фитнесот е идеален за сите вас што барате промена на веќе заморниот рутински фитнес. Ова ги вклучува особено популарните форми на вежбање, како што се јога и пилатес, и ги приспособува тие движења за воздушно тренирање. Она што го добивате е предизвикувачко здраво тело.

Лориан Мајор, анти-гравити фитнес инструктор, објаснува дека часовите го ускладуваат горниот и долниот дел од телото. „Ќе ги изненадите нозете, задникот и бутовите додека ја градите силата на рацете“, вели таа. Отворени сме за сите фитнес нивоа, „Секој кој може да направи најмалку три последователни сесии може да направи обука за борба против гравитацијата“ – забележува таа. Со оваа нова програма се проширува вашата стручна обука за фитнес, со додавање на многу нови секвенци на движење, нови начини за инверзии, како и соодветни прогресии и телесна механика. Што се однесува до здравствените придобивки, воздушните движења ви дозволуваат да го истегнете вашето тело, особено вашиот ‘рбет, ослободувајќи го од било каква болка изградена од лошoто држење на телото. Овие вежби, исто така, помагаат да ги обновите вашите лимфни и циркулаторни системи.

Детален и целосен тренинг на телото – Анти-гравити фитнес!