Во летните месеци многу се почести инфекциите на гениталните органи
Главните причини за инфекциите на гениталните органи се употреба на базени, подолг престој во ладна вода, почести и послободни сексуални односи без заштита, прекумерно сончање, недостаток на сон, лоши услови за хигиена, употреба на тампони и капење за време на менструалното крварење и несоодветна исхрана. Во случај на појава на следниве симптоми, карактеристични за вагинални инфекции, како што се: зголемена вагинална секреција, променета или непријатна миризба, печење, црвенило и чешање на надворешните гениталии, често мокрење, болни и непријатни сексуални односи и т.н. се јавува потреба од консултација со гинеколог, бидејќи најверојатно се работи за воспаление на надворешните или внатрешните генитални органи.
Воспалението може да ги зафати само надворешните гениталии (vulvitis), воспаленија на вагината (vaginitis или colpitis), воспаление на грлото на матката (cervicitis), воспаление на внатрешноста на телото на матката (endometritis), како и воспаление на јајниците, јајцеводите и широките лигаменти (adnexo-parametritis)
Постојат многу микроорганизми кои нормално живеат во вагината, формирајќи кисела средина (pH 3,8-4,2), што е добра заштита против инфекции. Ако киселоста на вагината се промени, се создаваат поволни услови за појава на вагинални инфекции, габички, трихомонијаза и бактериски вагинитис.
Една од најчестите причини за инфекции е Candida Albicans, габичка која живее и се размножува во вагината и дебелото црево. Заради промена на киселоста на вагината, или поради намален имунитет по употреба на антибиотици или орални контрацептиви, или заради зголемен внес на шекери, бројот на габичките одеднаш се зголемува и се јавуваат првите симптоми на инфекција: урдесто-бел секрет чиј мирис потсетува на мирис на квасец, јадеж, црвенило кое неретко го зафаќа и глансот од пенисот на партнерот во вид на црвени точки. Сиптомите се поинтензивни во состојба на стрес и употреба на шекери во исхраната. Развој на габичната инфекција ја зголемува и носење на долна облека направена од синтетички влакна, носење на дневни влошки, како и влажни костими за капење.
Трихомонијаза е предизвикана од едноклеточен паразит-камшикар кој живее во слузницата на половите органи на инфицираните мажи и жени. Спаѓа во сексуално преносливи заболувања. Симптомите на оваа инфекција се: пецкање, оток на слузницата на вагината, пропратен со печење и болен сексуален однос, силно зголемен секрет со жолтеникава боја и карактеристична непријатна миризба на „расипана риба“, како и чувство на „тежина“ во долниот дел од стомакот. Сите овие симптоми се зголемуваат после менструалното крварење. Trichomonas обично се пренесува преку сексуален однос, но исто така и преку влажни предмети, крпи, мокри костими за капење, долна облека и употреба на заеднички тоалети.
Haemophilus бактерии се исто така нормални жители на вагината кои заради промената на киселоста на вагината почнуваат да се размножуваат и да предизвикуваат инфекција. Оваа инфекција се пренесува и преку сексуален контакт. Симптомите се слични на трихомонијазата а секретот е кремаст од белузлава до сивкаста боја и е со непријатна миризба.
Овие инфекции е потребно да се третираат со различни лекови, а ако не се преземат мерки со навремен и соодветен третман може да се рашират и надвор од вагината на другите генитални органи (матката, јајцеводите и јајниците). Користење на сапуни и шампони за интимна нега не се препорачува затоа што се зголемува воспалението. Неопходно е да се намали внесувањето на шеќер во исхраната (во случај на Candida Albicans).
Доцна дијагностицирање и лекување на сексуално преносливи болести може да има сериозни последици. Инфекцијата може да доведе до формирање на лузни, апсцеси и непроодност на јајцеводите, каде што растат и ризиците за појава на неплодност и ектопична бременост.
Покрај овие инфекции, постојат и т.н. тивки и бавни инфекции предизвикани од mikoplazma, ureaplasma и hlamidija. Најчесто не даваат никакви симптоми, а нивното долго дејство може да доведе до хронично воспаление во карличната празнина и цисти на јајниците кои можат да доведат до неплодност. Тие припаѓаат на сексуално преносливи болести и бараат анализа на двајцата партнери, заеднички третман и употреба на кондом при сексуален однос додека третманот не заврши.
Овие три инфективни агенси спаѓаат во група на бактероиди, односно преодни форми помеѓу бактерии и вируси. Успешно се третираат со антибиотици, а се дијагностицираат по пат на микробиолошки брисеви и серолошки реакции.
Oсновен предуслов за спречување на голем број инфекции во летните месеци е зачувување на вагиналната микрофлора која ја одржува pH вредноста на вагината, а за тоа е идеална употребата на вагинални пробиотици како што е препаратот ProBalansLady. Претставува одлична комбинација од пробиотски култури, млечна киселина и изофлавони од соја кои ефикасно го намалуваат бројот на патогените во вагиналната средина преку инхибиција на нивниот раст, компетиција за нутритиентите и продукција на бактерицидни супстанци.
Д-р Срѓан Ѓорѓевиќ, специјалист гинеколог – акушер
