leto-period-na-zachesteni-vaginalni-infekcii_image
Споделете со пријателите!

Навремено препознајте ги инфекциите и научете што треба да преземете за да ги превенирате овие инфекции
Летото е период во кој уживаме во топлото време, одмор на плажа или покрај базен, меѓутоа е и период во кој жените ги посетуваат гинеколошките амбулантите жалејќи се на габични и бактериски инфекции на урогениталниот тракт. За жал еден добар дел од овие инфекции се должат на активностите, односно однесувањето на жените летниот период.

За да се спречат овие појави можете да ги преземете следните чекори:

  1. Зголемете го вашиот имунитет – земајте витамини секое утро или пиете по една чаша цеден сок од портокал секое утро, за да внесете витамин Ц;
  2. Носете лесна облека и долна облека главно направена од памук;
  3. Не седете долго време во влажни костими за капење или влажна облека;
  4. Не користете тампони или некои други парфимирани продукти во вагината;
  5. Уринирајте фреквентно, и секогаш после сексуален однос.

Ако имате симптоми на вагинална инфекција како болка, печење, иритација или чешање тогаш:

  1. Јавете се кај лекар иако мислите дека е само габична инфекција;
  2. Пијте повеќе течности;
  3. Започнете со третман колку можете побрзо.

Нејавување на лекар, како и немањето соодветен третман, може да доведе до посериозни инфекции за кои можете да бидете хоспитализирани или да влијаат на фертилноста, затоа е апсолутно неопходно веднаш да се започне со терапија. Колку побрзо jа отстраните инфекцијата толку побрзо ќе се вратите на вашата забава на плажа, базен, море или езеро.

Најчест причинител на вагинални инфекции, особено во летниот период е габичката Candida Albicans, а најчеста бактерија жител на нормалната вагинална флора е Lactobacillus Acidophilus.

Koга поради некоја причина се нарушува балансот на оваа млечно киселинска бактерија тогаш се зголемува бројот на габички од Candida Albicans и се јавуваат првите симптоми. Земање на антибиотици исто така доведува до појавување на овај дисбаланс. Високи нивоа на естроген предизвикани од бременост или хормонска терапија доведуваат до истото. Исто така и имунокомпромитирачки состојби како дијабетес или инфекција со ХПВ вирусот.

Габичната инфекција предизвикува чешање и сувост на вагината, како и болка кога се уринира и при сексуален однос. Се јавува исто така бел секрет кој најчесто е без мирис а има и изглед како сирење. Овие симптоми најчесто би се јавиле една недела пред менструалниот циклус.

Доколку имате вагинална габична инфекција и ги препознаете овие симптоми, и не сте бремени тогаш можете и самите да започнете третман со препарати кои можете да ги земете во аптеките без рецепт. Најчесто тоа се антифунгални креми или вагинални таблети кои се внесуваат во самата вагина.

Прочитајте:  Како навива секој од хороскопските знаци на Светското првенство?

Од антифунгални креми најкористена е Clotrimazole, Miconazole и сл. Од вагинални таблети, најчесто се користат тие кои во самата вагинална таблета имаат пробиотици од типот Lactobacillus Acidophilus, млечна киселина и екстракти од плод на соја.

Lactobacillus Acidophilus е потребно да се внесе бидејќи е нормален жител на вагиналната флора, па на овој начин ќе се стабилизира до потребната концентрација. Делува на тој начин што создава неповолни услови за раст на патогените микроорганизми, и помага за одржување на оптимална кисела pH вредност 3.5 – 4.5 на вагината.

Млечната киселина исто така помага за одржување на pH вредноста на вагиналната слузница, ги инхибира патогените соеви и ги намалува инфекциите на горниот генитален тракт. А екстрактот од плод на соја, помага за зголемување на нивото на гликогенот и за нормализирање на естрогенската активност. Без разлика каков третман за габичната инфекција ќе преземете, доколку за период од 14 дена, целосно не исчезнат симптомите, тогаш задолжително да се јавете кај вашиот гинеколог.

Д-р Захарија Парталоска Шипинкаровска, специјалист гинеколог


Споделете со пријателите!