so-imunoterapija-vo-borba-protiv-rakot_image
Споделете со пријателите!

Американската управа за храна и лекови даде зелено светло за употребата на имунотерапевсткиот лек против рак наречен „Keytruda“

„Keytruda“ е новиот имунотерапевтски лек наменет да се употребува за лекување на рак кој тукушто доби одобрување од Американската управа за храна и лекови. Со овој лек, фокусот во превенцијата за заболување од рак, како и во третманите на лекувањето на ракот се става на генетиката наместо на локацијата на туморот.

Таргетирање на правилниот биомаркер

Американската управа за храна и лекови даде зелено светло за употребата на имунотерапевсткиот лек против рак наречен „Keytruda“. Ова претставува пресврт во медицината и фармацијата бидејќи е прв пат како лек против рак добива одобрение за таргетирање на одреден биомаркер, наместо на локација во телото.

Со други зборови, ова претставува нов начин на приоѓање кон третманите за рак. Во моментов развивачите на на лекови од овој тип се фокусираат на развојот на нови лекови што во центарот ќе ја стават генетиката на пациентот и туморот, наместо убивањето на здравите и болните клетки како во случајот со хемотерапијата.

„Keytruda“ е наменет за пациенти кои имаат мутации и други генетски недостатоци во гените кои ги спречуваат нивните клетки да ги поправат грешките во нивната ДНК. Оваа генетска разлика може да значи и повисока подложност за заболување од рак, но истовремено тоа значи и прифаќање на „Keytruda“. Лекот може да се користи за да се стимулира имунолошкиот систем на секој од нив со генетскиот биомаркер за напад на тумори. Овој вид на третман за прв пат беше одобрен за употреба против напреднат рак на кожата во 2014 година.  

Пронаоѓање на вистинскиот третмат против рак

За жал, имунотерапијата се покажа дека не е корисна за сите пациенти и експертите сè уште не се сигурни која е конкретната причина за ова. Досега, само еден од 12 пациенти се чини дека има корист од имунотерапијата. Клиничките испитувања се во тек, но не сите научници се сигурни дека постои можноста да ги издвојат вистинските пациенти за да ја покажат ефикасноста на имунотерапевствките лекови. Сепак, како што сè повеќе станува јасно како функционираат биомаркерите, научниците се надеваат на постепено подобрување на ефикасноста на имунотерапиите.

Прочитајте:  Со исхрана до рамен стомак

Но имунотерапија не е единствениот фронт за борба против ракот. Раното откривање е уште еден круцијален приоритет, тоа го докажува и неодамнешниот напредок во медицината – едноставниот тест на крвта за откривање на ракот на белите дробови што покажа точност од 92%. Истражувачите, исто така, имаат пронајдено начин да се открие рак на хранопроводот со помош на сунѓер на конец.

„Научниците работат на проект да се создаде персонализирана вакцина против рак“

Превенцијата, меѓудругото, е есенцијален дел од медицинската агенда. Истражувачите, исто така, откриле како да се користи техниката „CRISPR“ за таргетирање на т.н. „команден центар“ на ракот кај глувци; оваа техника е докажана дека може да ги намали агресивните тумори кај глувците, кои преживеале со неверојатен стапка од 100%. Научниците, исто така, работат на проектот да се создаде персонализирана вакцина против рак.  

Иако сè уште не е пронајден најдобриот начин за спречување, откривање или лекување на рак, безбедно е да се каже дека геномиката ќе продолжи да игра голема улога во најдобрите практики за борба против оваа болест. Промената на фокусот од локацијата на туморот кон генетиката е е од суштинско значење за понатамошниот успех во медицината.


Споделете со пријателите!