Природните препарати кои ги содржат добрите бактерии од вагиналната микрофлора значајно го намалуваат ризикот од појава на инфекција
Не постои жена која во животот немала проблем со вагинални инфекции. Тие се честа, би рекле нормална појава во денешно време која знае да биде непријатна за жената, а ако не се третира соодветно може да предизвика и посериозни здравствени компликации. Причинителите се најчесто од габично, а поретко до бактериско потекло. Симптомите се лесно препознатливи (чешање, печење, црвенило, непријатен мирис, вагинален исцедок). Во секој случај она што е зедничко за вагиналните инфекции е тоа дека и покрај примената на разни лекарства за нивен третман и моментално успешната терапија тие повторно се јавуваат после неколку месеци. Она што секоја жена треба да го знае е тоа дека со примена на неколку правила во диететско-хигиенскиот режим, како и со користење на потполно природни препарати може да стави крај на оваа здодевна и упорна појава.
Најпрвин би ги споменале лошите животни навики кое денес се сметаат за главни ризик фактори за појава на вагинални инфекции. Тие се:
- Нередовна исхрана;
- Исхрана богата со шеќери и консумација на кисела храна;
- Внесување на големи количини алкохол, кои во процесот на варењето се претвора во шеќер;
- Често користење на базен;
- Носење синтетичка и премногу тесна облека која не му дава на телото да дише;
- Стресен живот и недоволна количина сон;
- Лоши хигиенски навики;
- Бремените жени и жените со дијабетес се полесно подложни на вагинални инфекции;
- Подолготрајната употреба на антибиотици и хормонски препарати скоро секогаш како последица има некоја вагинална инфекција.
При појава на инфекција, всушност имаме промена на нормалната вагинална микрофлора кај жената.
Тоа се т.н добри или корисни млечно киселински бактерии кои имаат заштитна улога во вагиналната средина. Тие се во постојана компетиција со штетните микроорганизми односно го спречуваат нивното растење и размножување преку лачење на антибактериски супстанци. Го инхибираат врзувањето на патогените за рецепторите во епителот на вагината по пат на компетитивна инхибиција.
Исто така, се врзуваат и за нивните нутриенти т.е супстанци што претставуваат нивна храна. Сепак, главниот механизам е преку создавање на млечна киселина со која се одржува кисела PH средина која е неповолна за раст и развој на патогените микроорганизми. Погоре споменатите ризик фактори ја зголемуваат PH вредноста во вагиналната средина со што се создаваат услови за претерано размножување на штетните микроорганизми, намалување на бројот на млечно киселински бактерии т. е појава на бактериски вагинози, габични инфекции и инфеции на уринарниот тракт.
Денес, за среќа, постојат природни препарати кои ги содржат добрите бактерии од вагиналната микрофлора кои се безбедни за почеста употреба, и кои значајно го намалуваат ризикот од појава на инфекција.
Најдобри резултати се постигнуваат со Lactobacillus acidophilus во комбинација со млечна киселина кои во форма на вагинални таблети се употребуваат секоја вечер во тек на 14 дена.
Вагиналните таблети се раствораат за неколку минути и брзо ги ослободуваат активните состојки. Најдобро е да се употребуваат веднаш после завршување на циклусот, а бидејќи содржат само природни компоненти како прва линија во борбата против вагинални инфекции можат да ги користат сите жени и девојки постари од 14 години.
М-р фарм. Емад Канан
