Негативните ефекти од пушењето цигари кај бремените жени, продолжуваат долго по раѓањето
Раното пренатално изложување на никотин може да предизвика разновидни генетски промени кои влијаат врз создавањето на конекциите помеѓу мозочните клетки, долго време по раѓањето на новороденчето, открива едно ново истражување. Наодите помагаат да се објасни зошто пушењето кај жените кои во својата утроба носат плод е поврзано со промени во однесувањето кај бебето, како што се АДХД, зависност и други нарушувања во однесувањето.
Како што објаснуваат истражувачите, никотинот ова го прави влијаејќи врз главниот регулатор на ДНК, што како одговор влијае врз активноста на гените круцијални за создавањето и стабилизирањето на синапсите помеѓу мозочните клетки. „Кога овој регулатор е инјектиран кај глувците, тие обрнуваат внимание на стимулот што треба да го игнорираат“ – вели главниот истражувач на студијата професорот по психијатрија д-р Марина Пикото – Marina Picciotto и заменик претседател на основните научни истражувања.
Неможноста за концентрација е симптом на синдромот АДХД, но и на други нарушувања во однесувањето, коишто беа поврзувани со трудничкото консумирање никотин, како и изложеноста на трудниците на димот од цигарите како пасивни пушачи. Сепак, научниците не разбирале како раната изложеност на тутун, може да создаде проблеми во однесувањето и по многу години.
Истражувањето на д-р Пикото откри дека глодарите изложени на никотин за време на раниот пренатален развој, навистина развиле проблеми во однесувањето што ги имитираат симптомите на АДХД кај луѓето. Тие потоа направиле детално геномичко тестирање на тие глувци и откриле повисоки нивоа на активност на клучниот регулатор на хистонската метилација. Тоа е процес што ја контролира генетската експресија со промена на ДНК-то што ги обвиткува хромозомите. Научниците откриле дека гените есенцијални за создавање на мозочните синапси биле под силно влијание.
Истражувачите исто така откриле дека овие генетски промени биле присутни и кај возрасните глувци. Сепак, кога кај возрасните глувци бил стопиран главниот регулатор на хистонската метилација, возрасните глувци биле посмирени и повеќе не реагирале на стимулот што требале да го игнорираат. Научниците ја поттикнале и изразеноста на истиот регулатор кај глувци кои никогаш не биле изложени на никотин и тие покажале однесување слично на АДХД.
