transplantacija-na-matka
Споделете со пријателите!

Следејќи ја успешноста на оваа постапка во Шведска, група доктори доби одобрување од страна на Health Research Authority за да ги спроведат првите 10 трансплантации на матка во Велика Британија, како дел од клиничкиот обид кој ќе започне напролет
Една на околу 7 илјади жени во светот се раѓа без матка, додека преголем е бројот на жени кои го губат овој репродуктивен орган поради рак или други болести. Исто така, постојат многу ретки случаи како што е синдромот Mayer Rokitansky Küster Hauser, поради кој луѓето немаат или имаат неразвиена вагина, или пак, грло на матката. Неможноста да имаат дете, претставува трагедија за многу парови, за кои единствена надеж во ваков случај е посвојувањето дете или пак, барање на сурогат мајка. За среќа трансплантацијата на матката е возможна и дава нова надеж.

„Операцијата ќе трае околу шест часа, а примачот на новиот орган мора претходно да прима имуносупресивни лекови, со цел да се превенира потенцијалното отфрлање на пресадениот орган“

Доколку овој клинички обид успее, првото британско бебе растено во трансплантирана матка ќе се роди на почетокот од 2018 година. Доктор Ричард Смит – Richard Smith, гинеколог од болницата “Queen Charlotte’s and Chelsea” во Лондон, кој работел на овој проект цели 19 години, ќе го предводи тимот од хирурзи за време на трансплантацијата.

Во оваа студија ќе бидат вклучени жени под 38 годишна возраст, со здрава телесна тежина и кои се во долга и сериозна врска со својот партнер. Избраничките мора да имаат здрави јајници, способни да произведуваат јајце клетки. Британските експерти истакнуваат дека матките ќе бидат донирани од страна на жени во клиничка смрт (коишто се делумно мртви, имаат мртов мозок, но нивното срце сè уште работи).

Оваа постапка ќе се разликува од успешната постапка спроведена во Шведска, каде што биле инволвирани живи донатори. Деталите околу донаторите сè уште не се познати и се тема за дебата. Британската организација за донација на органи NHS Blood and Transplant велат дека ќе соработуваат со британскиот хируршки тим за оваа трансплантација, со цел да се осигурат дека постапката ќе се одвива водејќи се според соодветните протоколи за идентификација на потенцијалните донатори и заради поттикнување на нивните семејства за донирање на нивните матки.

Прочитајте:  Доколку си самоупатувате сарказам тоа е индикатор за добра ментална состојба

„Британскиот тим работеше на овој случај многу години, па затоа многу е возбудливо тоа што добиле дозвола за да се префрлат на клинички обид“ – истакна професорот Адам Бејлен – Adam Balen претседател на британската асоцијација за неплодност British Fertility Society.

Операцијата трае околу шест часа, а примачот на новиот орган мора претходно да прима имуносупресивни лекови, но и за време на секоја бременост, со цел да се превенира потенцијалното отфрлање на пресадениот орган. Секоја од постапките на трансплантација на матка според проценка на тимот ќе чини од 40 илјади до 50 илјади британски фунти.

transplantacija-na-matka-2Здравјето на жените ќе се следи околу една година, а потоа надворешно создаден ембрион (од јајцето на жената и сперматозоидот на партнерот) ќе биде трансплантиран во новите матки. Бебињата се очекува да се родат по пат на царски рез, а двојките ќе имаат можност од две бремености, пред матката да биде отстранета, со цел жената да не мора во текот на целиот свој живот да прима имуносупресивни лекови.

Прашањата коишто се поставуваат се: Дали имуносупресивните лекови можат да му наштетат на новиот фетус и на жената? Специјалистите од Womb Transplant UK тврдат дека земани во соодветни дози, овие лекови не би требало да претставуваат проблем, судејќи според безбедноста на претходни следени бремености, кога мајките морале да примаат слични лекови поради други причини.

Триесетгодишната Софи Луис – Sophie Lewis е една од жените кои се надеваат дека ќе бидат избрани меѓу првите десет планирани испитаници за спроведување на оваа клиничка студија. Таа имаше само 16 години кога беше дијагностицирана со Mayer Rokitansky Küster Hauser синдромот, односно лекарите и кажале дека никогаш нема да може да роди свое дете поради неразвиената матка. „Да бидам во можност да го носам моето сопствено дете ќе биде неверојатно“ – се воодушевува Софи.


Споделете со пријателите!