Многу жени го избегнуваат тежинскиот тренинг од страв да не направат големи мускули
Иако фитнес светот драстично се смени последниве години и фитнес трендовите ги следат подеднакво мажи и жени, сепак остануваат заблуди поврзани со жените и подигањето тежина. Имено, многу жени го избегнуваат тежинскиот тренинг од стравот да не направат големи мускули.
Овој став претставува еден од најстарите заблуди во салата за вежбање.
Најпрво, жените немаат доволно тестостерон за да направат големи „машки“ мускули. Подигањето тежина ќе ве оформи и тонира, а тонирање значи зголемување на мускулната маса. Секако, при подигањето на тегови задолжително треба да внимавате на исхраната, секако, во зависност од тоа што сакате да постигне.
Исто така, треба да се напомене дека изгледот на жените коишто се занимаваат со бодибилдинг е производ на постојано вежбање и план на исхрана. Имено, тие макотрпно работат за да изгледаат толку мускулесто а често земаат и стероиди. Земајќи го сето ова во предвид, навистина не постојат никакви шанси дека ќе изгледате како бодибилдери ако започнете да подигате тегови.
За среќа, овие ставови полека се менуваат, па така, денес жените вежбаат подеднакво со мажите. Еден доказ за тоа е популарната фитнес програма Кросфит, која досега брои над 4 милиони посветени вежбачи. Неговиот концепт е функционален и ефективен, бидејќи е отворен кон сите начини на вежбање – содржи гимнастички вежби, вежби од сала за вежбање, вежби со јаже, на јаже, олимписко подигање на тегови итн.
Кога да практикувате тежински тренинг
Ако сакате да имате обликувано и тонирано тело
Ако сакате да имате обликувано и тонирано тело, најпрво треба да го намалите вишокот на телесни масти и да ја зголемите мускулна маса. За да го постигнете овој резултат, потребна е комбинација од кардио вежби и тренинг со тегови. Исто така, запомнете дека постои важна разлика во интензитетот на тренирање. Затоа, најдобро е да се советувате со фитнес тренер кој ќе ви даде насоки и план за ефективно да го постигнете она што го посакувате.
Ако трчате
Многумина од оние што трчаат, не обрнуваат внимание на горниот дел од телото и ги загреваат само нозете. Затегнат горен дел, значи добро држење на телото, а тоа е основно за правилно трчање. Затоа, одлична дополнителна активност која може да ја практикувате паралелно со трчањето, е подигањето тегови, кои што воедно ќе ви помогне да ја подобрите флексибилноста, и ќе ви ги зацврсти колената, коишто се многу важни за правилно трчање.
Сакате да ослабете
Подигањето тегови е одлична физичка активност за целокупното здравје, позитивно влијае на мускулите но и на коските бидејќи ги зајакнува, а воедно ќе ви помогне да останете фит на долгорочен план. Тежинскиот тренинг е идеален за топење калории.
Сакате да го забрзате метаболизмот
Метаболизмот се забрзува со континуирано вежбање. Вежбите со подигање тегови создаваат мускулна маса, што значи долгорочно забрзување на метаболизмот.
Сакате да сте ментално посилни
Подигањето тегови и шипки не само што ја зголемува физичката издржливост, туку и менталната. Ако постојано се предизвикувате себеси да правите нешта за кои сте мислеле дека никогаш нема да можете да ги направите, вашата самодоверба постојано ќе расте. Подигањето тегови ви дава чувство на моќ и сигурност.
