zosto-krosfitot-e-tolku-popularen_image
Споделете со пријателите!

На што се должи популарноста на Кросфит, интензивните вежби кои го окупираа светот на фитнесот
Кросфит – Crossfit е комбинација од повеќе вежби. Создавачите на Кросфит, тренерите Грег Глесмен и Лорен Џенеј, кога го конципирале овој систем во 2 000-тата година, дошле до заклучок дека за најдобри резултати е потребна постојана промена, а тоа значи, мноштво различни вежби со висок интензитет. Кросфит, првенствено е за зголемување на издржливоста а не за зголемување на мускулната маса. Интензивните вежби ги топат мастите и за некој кој претходно не вежбал, кога ќе почне со овие вежби кои што спаѓаат во HIT – High Intensity Training, за брзо време ќе забележи видлива разлика. Таканаречената „константна варијација“ која служи како основен опис на Кросфит, подразбира дека секој ден имате различна вежба со многу различни комбинации.

zosto-krosfitot-e-tolku-popularen_image1За да се дефинира популарноста на Кросфит, како прв податок треба да се спомне дека досега оваа фитнес програма брои над 4 милиони посветени вежбачи. Оваа бројка во голема мера се должи и на постојано растечкиот тренд да се живее здраво, како и на начинот на кој е конципирана оваа програма – таа се смета за цел засебен систем со развиена социјална заедница.

Друг податок за популарноста на овој метод на вежбање кој веќе стана култ е и одржувањето на Кросфит Игрите на светско ниво. Во Македонија исто така е многу популарна и веќе има своја група на „следбеници“, кои што веќе имаат формирано тим и се натпреваруваат во Кросфит Игрите. Најдобриот ја понесува титулата „Најфит личност на светот“. Во Кросфит, секоја вежба може да се измери и оцени, па така можете да го измерите својот напредок, да се подобрите и да бидете фокусирани.

Прочитајте:  пати повеќе од својата тежина, може да издржи мускулното влакно коешто е потенко од човечко влакно

Исто така, популарноста се должи и на големата разновидност на вежби, бидејќи никогаш не е досадно. Концептот е функционален и ефективен, бидејќи е отворен кон сите начини на вежбање – содржи гимнастички вежби, вежби од сала за вежбање, вежби со јаже, на јаже, олимписко подигање на тегови итн.  Бидејќи секој ден е различна приказна, секогаш се враќате по уште.

Кросфит ентузијастите уверуваат дека овие вежби се буквално за секого, подеднакво вежбаат и мажи и жени, млади и повозрасни.


Споделете со пријателите!