najbrz-nacin-za-podignuvanje-na-testosteronot_image1
Споделете со пријателите!

За најбрзо зголемување на нивото на тестостеронот најдете ривал но тој да не биде вашиот другар, истакнува едно ново истражување
Доколку победите на натпревар одигран со луѓе што не ги познавате или не ви се блиски, може да го зголемите нивото на тестостерон, тврди едно ново истражување.

Нивото на тестостерон се зголемува за 30 проценти кога мажите ќе издвојат победа.

Во студијата се мисли на спортско натпреварување, додека за во останатите области на конкуренција, на пример на работното место, ова сè уште не е во целост потврдено. Исто така, истражувачите открија дека тестостеронот не се зголемува доколку се победи пријател. Тоа го препишуваат на еволутивната придобивка кога луѓето формирале коалиции за да бидат посилни, па нивото на тестостерон не се зголемува, бидејќи пријателот не се гледа како конкуренција.

„Кога тестостеронот е на високо ниво, се стимулира цел организам и помага за градење на натпреварувачки дух“

Во моментот кога тестостеронот е на високо ниво, се стимулираат мускулите,  се подобрува координацијата како и менталната способност и се чувствувате посамоуверено. Сево ова ви помага за градење на натпреварувачки дух, се објаснува во студијата. Така, после издвојуваната победа, нивото на тестостерон се засилува со цел да се подготви за наредниот предизвик, сметаат истражувачите.

Тестостеронот е машки полов хормон кој ги дава повеќето машки полови карактеристики. После четириесеттата година од животот тестостеронот  значително се намалува, но тој сепак продолжува да се лачи до крајот на животот. Освен возраста, друга причина што е многу честа со модерниот начин на живот, е долгото седење односно неактивност. Вишокот сало го намалува нивото на тестостерон а со тоа и либидото,  но и го загрозува целокупното здравје. Намален тестостерон значи  намалена плодност и помал квалитет на спермата, како и зголемен ризик од рак на тестиси. Спротивно на верувањата, најновите истражувања откриваат дека агресивноста кај мажите не треба да се поврзува со високото ниво на тестостерон.

Прочитајте:  Што е бигорексија

Споделете со пријателите!