otkrijte-kakov-vid-na-stomak-imate
Споделете со пријателите!

Надуен или зарамнет, поголем во долниот дел или премногу мек, обемот на стомакот е одраз на нашите навики
Стомакот претставува еден од најпроблематичните делови за слабеење. Честа е заблудата дека со вежби наменети само за стомак, ќе се изгуби вишокот на килограми наталожени во тој предел. Стомачните вежби ги зацврстуваат стомачните мускули, но за губење на наталоженото сало на стомакот, потребен е пообмислен пристап. Тој пристап подразбира соодветни фитнес техники кои ќе бидат комбинација од кардио вежби и фитнес вежби за зголемување на мускулната маса, како и здрав начин на исхрана, зголемен внес на вода и воопшто, здрав животен стил.

Но пред да започнете со формирање и обмислување на фитнес режим и промена на исхраната, клучно е да разликувате видови на стомачно сало.

Единствен начин да се ослободите од наталожениот вишок, е доколку знаете што го предизвикува. Причините се бројни и зависат од многу фактори поврзани со секојдневните навики. Детерминирани се неколку облици на стомак, и секој тип прикажува различна физичка состојба одредена од секојдневните навики.

Надуен стомак

Надуениот стомак е најчесто заоблен и цврст. Во најголем број случаи станува збор за начин на исхрана која што не му одговара на вашите црева или која тешко се вари. Овој облик на стомак, својата форма ја добива во текот на денот, додека наутро е рамен. Нетолерантноста на глутен може да предизвика отекување на цревата, при што стомакот се зголемува. Доколку вашиот стомак е ваков, се препорачува да се води дневник за исхрана. Запишувајте што јадете и забележувајте во кој период ви се дуе стомакот. Можеби одреден вид на храна што ја јадете секојдневно, не ви годи, а вие не сте свесни за тоа. Исто така, обидете се да внесувате свежи намирници во што поголем број и да консумирате пијалоци кои го помагаат варењето на храната.

Прочитајте:  Вежбањето по доживувањето на срцев удар може да го подобри здравјето

Многу опуштен стомак

Овој облик на стомак е карактеристичен кај оние кои што не вежбаат и поголем дел од денот седат. Овој облик, исто така се поврзува и со внесување на големи количини на шеќер, леб и тестенини. Доколку вашиот стомак е ваков, намалете со алкохол и газирани пијалоци. Започнете со било каква физичка активност и за брзо време ќе забележите резултати, бидејќи ваквиот вид на стомак лесно се поправа.

Испакнато мало стомаче

Малото стомаче кое што е испакнато во долниот дел од стомакот, е вид на стомак кој што е најтешко да се изгуби. Најчесто, ваков стомак имаат слаби луѓе со нередовен живот. Кај ваквиот стомак, вежбањето не помага сосем, туку клучна е исхраната. Доколку вашиот стомак има ваков облик, почнете да консумирате намирници богати со хранливи влакна, како и зелен лисест зеленчук, консумирајте вода и обидете се да го елиминирате стресот и стресните ситуации.


Споделете со пријателите!