szo-go-definirashe-igranjeto-video-igri-kako-mentalno-narushuvanje_image
Споделете со пријателите!

Се тврди дека станува збор за клиничка состојба за којашто може да се постави дијагноза само од страна на здравствени професионалци коишто се соодветно обучени.
Играњето видео-игри сега е дефинирано како ментално нарушување од страна на „Светската здравствена организација (СЗО)“. Имено во новото издание на водичот „Меѓународна класификација на болестите (МКБ)“, МКБ-11, играњето видео-игри ќе биде вклучено како сериозно ментално нарушување.

„Меѓународна класификација на болестите“ е дијагностичкиот прирачник издаден под палката на „Светската здравствена организација“. Последното, 10-то, издание на МКБ беше последен пат ажурирано во 1990 година, а новото издание, МКБ-11, е предвидено да се претстави во 2019 година.

„Менталното нарушување именувано како растројството на видео-игри ќе биде додадено во делот за ментални зависности. Оваа класификација значи дека здравствените установи и професионалци ќе бидат попретпазливи за постоењето на оваа состојба, притоа зголемувајќи ја можноста за луѓето кои страдаат од истата да добијат соодветна помош“, вели Владимир Позњак, член на Одделот за ментално здравје и злоупотреба на супстанција на СЗО.

Позњак потенцира дека повеќето луѓе ширум светот што играат видео-игри, дури и кога станува збор за прекумерно играње, никогаш не би се квалификувале како луѓе кои страдаат од ментално нарушување. Тој додава дека станува збор за клиничка состојба за којашто може да се постави дијагноза само од страна на здравствени професионалци коишто се соодветно обучени за тоа.

Водичот МКБ-11 ќе сугерира дека абнормалното играње видео-игри треба да се докаже во период од најмалку 12 месеци за да може да се постави дијагноза, но овој период може да се намали доколку се забележи дека симптомите се посериозни.

Симптомите на растројството на видео-игри вклучуваат:

  • нарушена контрола над играњето видео-игри (фреквенција, интензитет, времетраење);
  • зголемен приоритет даден на играњето видео-игри;
  • продолжување или зголемување на играњето видео-игри и покрај негативните последици.
Прочитајте:  Мозокот и видео игрите 

Д-р Ричард Греам, специјалист за зависност од технологијата во болницата Најтингел во Лондон, вели дека секоја година гледа околу 50 нови случаи на дигитална зависност и неговите критериуми се засноваат врз тоа дали активноста влијае на основните работи кај поединецот, како што се спиење, јадење, социјализирање и образование.

„МКБ е камен-темелник на здравствените информации.“

Новиот дијагностички води МКБ-11, исто така, може подобро да ги отслика податоците во врска со безбедноста во здравството, што значи дека одредени работи што можат да му наштетат на здравјето, како што се небезбедни работни процеси во болниците, може да се идентификуваат и да се намалат, се вели во соопштението.

Меѓудругото водичот ќе вклучи и нови поглавја, едно за традиционалната медицина, којашто иако е користена од милиони луѓе ширум светот, никогаш не била класифицирана во овој систем. Уште едно ново поглавје за сексуалното здравје ќе ре-дефинира или ре-категоризира состојби кои претходно биле категоризирани или опишани на одредени начини. Еден пример е отстранувањето на трансродовоста од листата на ментални нарушувања и наведувањето на истата како состојба поврзана со сексуалното здравје.

Новиот дијагностички прирачник ќе биде презентиран на Светското здравство во мај 2019 година за усвојување од страна на земјите-членки, а се очекува да стапи на сила на 1 јануари 2022 година.

„МКБ е камен-темелник на здравствените информации и МКБ-11 ќе даде ажуриран поглед на здравствените состојби и болести“, рече Лубна Алансири, помошник-генерален директор на СЗО.

МКБ е основа за идентификување на здравствените трендови и статистики ширум светот и содржи околу 55.000 уникатни кодови за класификација на повреди, болести и причини за смрт. Прирачникот обезбедува заеднички јазик којшто им овозможува на здравствените професионалци да ги споделат здравствените информации низ целиот свет.


Споделете со пријателите!