nova-video-igra-kreirana-da-pomogne-za-otkrivanje-na-demencija_image
Споделете со пријателите!

Креативното решение за „Sea Hero Quest“ е дело на креативците од „Saatchi & Saatchi“ од Македонија кои освоија две „Grand Prix“ награди и три награди „Golden Drum“
Мобилната видео-игра Sea Hero Quest е спој на забавата и науката. Преку интересна и забавна игра, корисниците на оваа игра, имаат можност да го истражуваат океанското пространство во дигиталниот свет и истовремено да го потпомогнат напредокот на истражувањето за Алцхајмеровата болест во реалниот свет.

„Креативното решение за Sea Hero Quest, е дело на креативците од агенцијата Saatchi & Saatchi од Македонија“

Sea Hero Quest е плод на соработката помеѓу британската компанија за дизајн на видео игри Glitchers , Deutsche Telekom, University College London, University of East Anglia, организацијата Alzheimer’s Research UK , „Телеком Македонија“ и „Saatchi & Saatchi“ од Лондон и Saatchi & Saatchi од Македонија, што е дел од групацијата Publicis One од Македонија. Креативното решение за Sea Hero Quest, е дело на креативците од агенцијата Saatchi & Saatchi од Македонија.

Тие освоија две Grand Prix награди и три Golden Drum награди, додека нејзиниот извршен креативен директор, Василије Ќорлука, го доби признанието за најдобар креативен директор во регионот –  Golden Watch. Играта е сочинета од три главни задачи: навигација низ лавиринти, испукување на светлосни ракети и бркање суштества со кои се оценуваат вештините за навигација и ориентација во просторот.

Сето она што корисникот го прави во играта, како движење низ лавиринти, се собира како податоци што потоа научниците ги истражуваат.

Во вкупно 75 нивоа, играчот е пресретнат од различни пречки – санти мраз, острови, мочуришта и вулкани коишто треба да ги заобиколи. На различните нивоа, исто така, играчот треба да меморира различни позиции на мапите пред да започне со нивната навигација. Истражувачите имаат цел да ги собираат резултатите и податоците од секој играч – на кој начин ги избегнува пречките, какви му се способности во запомнувањето на мапите и откривање на специфичните локации.

Прочитајте:  Кога слабееме каде всушност одат мастите?

Повеќе од 47 милиони луѓе во светот страдаат од деменција а околу 60% до 70% страдаат од Алцхајмеровата болест

Повеќе од 47 милиони луѓе во светот страдаат од деменција а околу 60% до 70% страдаат од Алцхајмеровата болест што е најчестата форма на деменција. Оваа болест зафаќа делови од мозокот коишто ги обработуваат визуелните информации и се справуваат со просторните способности. Sea Hero Quest е пионерска видео игра, создадена преку соработката на тимот дизајнери, истражувачи и научници, што ќе овозможи истражување во големи рамки, лесно собирање податоци од целиот свет и нивна обработка на значително економичен начин. Во првата фаза на проектот целта е да се одреди основа за тоа како сеопфатната популација функционира кога стануваат збор просторните вештини и способности.
nova-video-igra-kreirana-da-pomogne-za-otkrivanje-na-demencija_image1

„Колку повеќе успееме да дознаеме за начинот на којшто луѓето се снаоѓаат во просторот, толку подобро ќе ги разбереме проблемите на луѓето што во иднина ќе се соочат со деменција“, посочи невронаучникот Хуго Спиерс од University College London, објаснувајќи го концептот на проектот.

Досега, повеќе од 2,4 милиони луѓе во светот ја играа играта Sea Hero Quest, којашто е достапна за симнување на iTunes Store и Google Play.

Од овој вкупен број на луѓе што досега се регистрирани дека ја играле играта, не сите стигнале до нејзиниот крај, но податоците од секое ниво можат да се разгледуваат и истражуваат засебно. На почетокот на играта, се собираат основни демографски податоци: возраст, пол, место на живеење, а потоа како што играчите навлегуваат во секое ново ниво на играта се собираат основните податоци за навигација и ориентација во просторот, коишто би требало да помогнат во откривањето на првите знаци на деменција.


Споделете со пријателите!