Се пензиониравте и сега планирате да уживате во животот со вашата жена? Најпрвин проверете случајно да не пати од овој синдром
Сите оние кои што со нетрпение го очекуваат периодот на пензионирање, треба да бидат подготвени за синдромот наречен синдром на пензиониран сопруг. Овој синдром ги зафаќа жените, кои што стануваат многу депресивни и незадоволни кога нивниот сопруг ќе се пензионира, односно кога двата партнери остануваат дома. Најчестите симптоми кои што укажуваат на овој синдром се психосоматски и може да водат кон посериозни здравствени нарушувања. Тие симптоми се: депресија, кожни осипи, стрес, несоница, астма, чир и висок крвен притисок.
Синдромот на пензиониран сопруг зафаќа дури 60 проценти од женската повозрасна популација во Јапонија, но тој е присутен низ целиот свет и може да се појави кај секоја жена во дадениот животен период.
Појавата на оваа психичка состојба е многу веројатна кај оние парови кои што имаат кариера која подразбира долги работни часови, многу патувања, и многу отсуства од дома. Логично е, по голем временски период водејќи ваков животен стил, каде партнерите имаат живот разделени еден од друг во текот на целиот ден, да дојде до нетрпение помеѓу партнерите, бидејќи тие едноставно се навикнале засебно да функционираат. Затоа, особено во Јапонија, се забележува разделба или развод, токму по пензионирањето.
Многу жени, за да ги ублажат симптомите на овој синдром, својата енергија ја насочуваат кон некое хоби, или развиваат опсесии со пратење на животите на познати личности (и воопшто занимавање со популарна култура), и тврдат дека тоа им помага психолошки да се опуштат. Исто така, голем број од нив не им кажуваат на своите мажи дека патат од овој синдром, а некои парови се договараат да продолжат да работат и после пензионирањето.
