pariski-sindrom
Споделете со пријателите!

Сакате да патувате и воопшто не се плашите од летање, мачнини, стомачни тегоби или вируси. Сепак, бидете подготвени дека при средба со нова средина, може да се разболите од…разочарување
На прагот на патувањата и летните одмори, добро е да се информирате дека токму патувањата можат да го нарушат вашето ментално здравје. Сте слушнале ли за состојбата која ги зафаќа туристите, наречена Париски синдром?

„Оваа состојба се смета како тешка форма на културен шок

Париски синдром е болеста на разочараните туристи. Ова нарушување се манифестира како зголемен гнев заради големите очекувања и суровата реалност. Многу туристи се разочаруваат кога пристигнуваат на долгоочекуваната дестинација која изгледа сосем поинаку во реалноста. Оваа состојба се смета како тешка форма на културен шок.

Се одликува со халуцинации, вознемиреност, агресија, мачнини, вртоглавици, тахикардија, потење. Очекувањата за Париз се многу големи и повеќето туристи очекуваат да го видат светот прикажан во филмовите како „Чудесната судбина на Амели Пулен“, луѓето со кои ќе се разминуваат на Шанзелизе да изгледаат како оние од Париската модна недела а парковите и плоштадите да бидат полни со гулаби и насмеани лица.  

Станува збор за нарушување или нервен слом, кој најмногу ги зафаќа Јапонците откако ќе го посетат „Градот на светлината“.

Причините зошто токму Јапонците патат од овој конкретен симптом се јазична бариера, големите културни разлики, исцрпеност во комбинација со џетлег (jet lag) и идеализирана слика од Париз која доминира во јапонскиот маркетинг. Околу 20 Јапонци годишно се зафатени од овој синдром, а јапонската амбасада во Париз има 24-часовна СОС линија за да им помогне на своите државјани кои што се соочуваат со оваа состојба.

Прочитајте:  Зошто јазикот треба да се чисти секој ден

Споделете со пријателите!