shto-imaat-ovie-deca-poinakvo-od-drugite_image
Споделете со пријателите!

Што можам да направам за да се осигурам моите деца да успеат во животот?
Многу се пишува за карактеристиките на возрасните со високи достигнувања и што точно ги прави различни од сите други. Но, ако сте родител, попривлечно прашање може да биде: „Што можам да направам за да се осигурам моите деца да успеат во животот?“ Еве што велат истражувачите.

Правило број 1: Не им го наметнувајте вашето мислење, оставете сами да одлучат што сакаат да бидат

Во реалноста, работните места како доктор, правник или инженер се најпопуларните. Но што ако вашето дете сака да биде уметник? Дозволете му само да си го трасира својот пат, бидејќи со тоа ќе мора да живее секој ден.

Правило број 2: Јадете барем еден оброк во денот заедно со семејството

Децата кои јадат со своите семејства приближно пет дена во неделата покажуваат пониско ниво на злоупотреба на супстанции, пониска стапка на дебелина и поретка појава на депресија. Тие исто така имаат просечни повисоки оценки, подобри вокабулари и поголема самодоверба.

Правило број 3: Наметнете време без користење на паметните телефони

„Децата кои јадат со своите семејства имаат просечни повисоки оценки, подобри вокабулари и поголема самодоверба.“

Истражувачите откриле дека мозоците на малите деца можат трајно да се менуваат кога поминуваат премногу време во користење на таблети и паметни телефони. Поточно, со користењето на технологијата, спречен е развојот на одредени способности, вклучително фокусот и вниманието, вокабуларот, како и социјалните вештини. Всушност, децата помлади од 18 месеци не треба да имаат допир со паметните телефони. За деца на возраст од две до пет години, се препорачува ограничување на времето на екранот на еден час дневно. За постарите деца, прашање е да се осигурате дека медиумите не заземаат место на соодветно спиење, вежбање и социјална интеракција.

Правило број 4: Не ја носете работата дома

Секако има семејни придобивки од тоа да имаат мајка и татко што поминуваат повеќе време дома, но ако во тоа време не е вклучено и вашето дете, тоа може да се почувствува запоставено!

Подобро останете малку повеќе доколку имате работа, за после работното време целосно да можете да му се посветите на вашето малечко!

Правило број 5: Научете ги да ја ценат вредноста на парите

Децата уште од мала возраст се учат што значат парите и како треба тие да ги вреднуваат. Направете им секојдневни активности во домот, за кои доколку ги остварат ќе им следува награда. Така го учите вашето дете да се придржува до обврските и да се учи како да биде дисциплинирано и да заврши се во предвидениот рок.

Правило број 6: Читајте им

Истражувачите од Медицинскиот факултет во Њу Јорк откриле дека бебињата чии родители им читаат се повешти за рано читање подоцна, уште пред да го започнат основното училиште. Според д-р Алис Саливан, кој ја користи британската студија за кохорт за да следи разни аспекти на 17.000 луѓе во Велика Британија „Ние ги споредивме децата од истите социјални средини кои оствариле слични тестирани способности на возраст од 5 и 10 години и откривме дека оние кои често читаат книги на 10-годишна возраст и повеќе од еднаш неделно кога имале 16 години покажувале повисоки резултати на тестовите од оние што читаат помалку“.

Прочитајте:  Женска трибина „Хранете се здраво за детство среќно и убаво“

Правило број 7: Охрабрете ги вашите деца сами да патуваат

Позитивни работи од секое патување се:

  • Учење на другите култури;
  • Зголемена подготвеност за знаење/учење/истражување;
  • Зголемена независност, поголема самодоверба;
  • Зголемена интелектуална љубопитност;
  • Зголемена толеранција и почит;
  • Подобра прилагодливост;
  • Подобро самоизразување;
  • Ако испраќањето на вашиот син или ќерка во странство не е можно, најдете компромис, пуштете го на некоја поблиска дестинација.

Правило број 8: Сами нека го надминат разочарувањето

„Доживувањето неуспех му помага на вашето дете да научи како да се справува, вештина што секако е потребна во реалниот свет“

Иако може да изгледа контрадикторно, тоа е една од најдобрите работи што родителот може да ги направи. Според д-р Стефани О’Лири, клинички психолог специјализиран за невропсихологија и автор на „Родителство во реалниот свет“: Правилата се сменија, неуспехот е добар за децата на неколку нивоа. Прво, доживувањето неуспех му помага на вашето дете да научи како да се справува, вештина што секако е потребна во реалниот свет. Исто така, му обезбедува на животното искуство што треба да се поврзе со врсниците на оригинален начин. Да се ​​биде отпорен, исто така ја поттикнува потребата од напорна работа и постојани напори, а исто така докажува дека овие особини се вредни дури и без врвен резултат. Со текот на времето, децата кои доживеале пораз ќе бидат поприлагодливи и поподготвени да пробаат тешки задачи и активности затоа што не се плашат да успеат. И, вели таа, спасувањето на вашето дете ја испраќа пораката дека не и верувате на неговата способност. „Верувајте дека се способни и дека можат да се справат со кој било исход, дури и негативен“, вели таа.

Правило број 9: Не им се мешајте!

Сигурно на секој од вас се случило да вашите родители претерано многу упаѓаат во вашите животи. Додека растете си кажувате на себеси дека никогаш тоа нема да му го направите на вашето дете, а се фаќате во ситуација да биде и полошо!

Не грижете се, нема да го испуштите детето од рака доколку му оставите малку простор. Тоа само знае кога да ве побара, особено кога има некоја дилема што не може само да ја реши.

Правило број 10: Поддржете го!

Што и да биде, вие сте фамилија, и како такви треба да ги решавате и сите проблеми! Детето на тој начин нема да биде себично и ќе научи да дели, па дури и своите проблеми!


Споделете со пријателите!