shto-treba-da-znaat-vashite-malechki-za-emociite_image
Споделете со пријателите!

Без разлика дали чувствувате среќа, или гнев, дали емоциите ви се позитивни или негативни, и во двата случаи тие се само привремена состојба

Емоциите се привремени

„За полесно да ве разберат може да користете народни мудрости – Брзо дошло, брзо прошло!“

Без разлика дали чувствувате среќа, или гнев, дали емоциите ви се позитивни или негативни, и во двата случаи тие се само привремена состојба. Момчињата и девојчињата, особено оние кои често се соочуваат со тревожност, го прифаќаат нивниот моментален статус како постојан. Тие мислат дека големиот црн облак кој им виси над главите, никогаш нема да ги напушти. Но, сето ова трае додека не им се одвлече вниманието. Нови мисли, идеи и настани брзо и лесно генерираат нови емоции. Вие како родители треба редовно да ги потсетувате вашите деца за ова. За полесно да разберат дури може да користете народни мудрости – „Брзо дошло, брзо прошло“ и др. Исто така со вашето дете може да си измислите ваше авторско мото кое може да го користите кога сте вознемирени. Добрината и среќата се крие во секој. Во суштината на секој човек е добрината и човечноста која е способна да генерира чиста позитивна енергија. Ова е исто така, природна емоционална состојба на вашето дете. Но чувства како лутина, тага, страв, разочарување и завист може да го замаглат карактеристичниот и природен емоционален спектар на детето. Ако успеете да го научите да ги детектира, одминува и да се справува со овие негативни чувства, тоа ќе биде способно почесто да го пројавува своето вистинско срдечно Јас.

Емоционална интелигенција

Виножитото на детските чувства понекогаш може да биде многу заситено. Сепак, тие не се способни секогаш да ги разберат емоциите што ги искусуваат, и зошто ги доживуваат. Да му помогнеш на сопственото дете да научи за различните емоции и како да се справи со нив не е лесен и краткорочен процес. Колку повеќе расте, толку повеќе ќе се сретнува со работи кои ќе предизвикаат различни и нови чувства во него. Кога ќе се појави некоја непозната емоција или возбуда, секогаш разговарајте со вашето дете за тоа и подтикнете да се анализира и да разбере што она што му се случува во умот и срцето.

Прочитајте:  Луѓето различно ги толкуваат емоџи симболите

Не јасните и мешани емоции се сретнуваат често

Децата често се соочуваат со повеќе од една емоција одеднаш. Таквите сложени чувства, на пример, се раѓаат при смрт на домашно милениче. Во овие моменти, децата се чувствуваат збунети, што ги прави уште поранливи и почувствителни.

Ако забележите дека вашето дете се справува со вакви чувства, треба повторно да разговарате со него за да му помогнете да ги дефинира и да ги разликува своите чувства. Кога тоа ќе разбере дека тагата по изгубениот миленик не треба да се меша со гневот кон неправедните и неочекувани случки во животот кој на некој начин му го одзел неговиот миленик, детето полесно ќе ги сфати овие негативни чувства и ќе се ослободи полесно од нив.

Сите емоции се од корист

Емоциите се само одговор на нашите перцепции. Тие всушност покажуваат дали нешто те загрижува или засега на некој друг начин. Учејќи го детето да ги препознава емоциите од мали нозе, всушност ние создаваме личност која кога ќе стане зрел човек ќе може продуктивно да ги препознае мешаните чувства, за да сфати што всушност го загрижува. Да им помогнете на вашите деца да сфатат дека емоциите не се ниту само лоши, ниту само добри, е од една од основните потреби за нивниот позитивен емоционален развој.


Споделете со пријателите!