dali-starite-detski-igrachki-se-bezbedni-za-koristenje_image
Споделете со пријателите!

Наодите од истражувањето покажуваат дека кај голем дел од играчките, истражувачите откриле траги од елементи како што се антимон, бариум, бром, кадмиум, хром, олово и селен.
Користењето на стари играчки од постарите браќа, сестри или блиски роднини и пријатели се случува многу често. Но, сè додека играчките се чисти, имаме тенденција да ги сметаме за безбедни. Сепак, едно ново истражување ќе нè натера да размислиме двапати.

Новото истражување покажува дека употребата на стари пластични играчки може да биде опасна по здравјето на децата.

Тимот научници, предводен од д-р Ендрју Тарнер, од Универзитетот во Плимут во Обединетото Кралство, неодамна истражуваше и тестираше стотици детски играчки со цел да процени кои хемикалии се содржани во нив. Резултатите од истражувањето беа изненадувачки за научниците и за јавноста.

„Пластичните играчки се многу долготрајни и обично се сметаат за безбедни.“

Познато ни е дека со текот на годините, истражувањата покажаа дека металите и металоидите, кои се метални елементи, негативно влијаат на здравјето, дури и во мали количества. Тие се опасни за сите возрасти, но особено за децата бидејќи тие брзо растат и нивниот метаболизам работи многу побрзо од метаболизмот на возрасните. Ризикот од негативниот ефект на металот дополнително се зголемува кога стануваат збор играчките за деца со оглед на тоа што тие често ги ставаат во устата. Оттука, денеска, компаниите што произведуваат метални играчки за деца внимаваат на нивната изработка со цел истите да бидат безбедни за децата.

Меѓутоа, иако новите играчки се изработуваат според современите безбедносни стандарди, старите играчки, конкретно оние од пластика што беа предмет на новото истражување, сè уште претставуваат потенцијална опасност по здравјето на децата.

Пластичните играчки се многу долготрајни и обично се сметаат за безбедни. Досега многу малку истражувања вклучиле тестирање за токсични соединенија кај старите пластични играчки, а студиите што постојат се ограничени. На пример, голем број од претходните истражувања не тестирале колку е штетна пластиката од која се изработени играчките што децата може да ги ставаат во уста, да ги џвакаат или проголтаат.

Со цел да навлезат подлабоко во истражувањето на оваа тема, тимот научници собрал 200 стари играчки што биле реупотребувани повеќепати и направил детално истражување на нивниот состав и неговото влијание на здравјето на децата.

Во истражувањето биле вклучени секаков тип на играчки, од возови и автомобили до фигури, како што се пластични диносауруси и животни, кои децата вообичаено ги ставаат во уста и џвакаат. Како и кај претходните истражувања, тимот користел рентгенски зраци за да го испита составот на играчките, а исто така извршил и тестови кои симулирале како играчките може да влијаат на внатрешноста на стомакот.

„Хемикалиите пронајдени во детски играчки биле со жолта, црвена или црна боја.“

Наодите од истражувањето коишто беа објавени во списанието „Environmental Science and Technology“ покажуваат дека кај голем дел од играчките, истражувачите откриле траги од елементи како што се антимон, бариум, бром, кадмиум, хром, олово и селен. Со текот на времето, сите од горенаведените елементи може да бидат токсични и да влијаат негативно на здравјето. Имено, овие хемикалии биле пронајдени во детски играчки кои биле со жолта, црвена или црна боја.

Прочитајте:  5 грешки што ги прават родителите со детското седиште за во автомобил

Резултатите од истражувањето се загрижувачки, а тимот научници планира да продолжи со тестирање на старите детски играчки, како и други стари пластични предмети со целта да добие нови податоци за влијанието на истите на здравјето.


Споделете со пријателите!