kako-da-ostanete-povrzani-vashite-tinejdjeri_image
Споделете со пријателите!

Понекогаш на тинејџерите им е тешко да ги споделат своите проблеми со вас, но кога ќе им покажете дека сте на нивно располагање секогаш кога им требате, на децата им станува малку полесно да разговараат и да споделуваат.
Кога детето ќе навлезе во тинејџерските години, обично чувствува дека нема време за вас. Можеби е момче кое е секогаш надвор со пријателите или игра видео игри со нив. Или е девојка и го поминува времето на телефонот по цел ден разговарајќи со другарките. Можеби изгледа дека сте на сосема различна бранова должина и иако сакате да поминете време заедно, тешко е да се поврзете. Кога детето влегло во овој период, ви се чини дека треба да вложите голем напор за да поминувате време заедно. Еве 3 совети кои ќе ви помогнат да останете поврзани со вашето дете кога тоа влегло во овој тежок за него (а и за вас самите) период.

1. Бидете достапни

„Оставете го мобилниот, исклучете го телевизорот, одете на некое место каде би биле сами и дајте му го целото свое внимание на вашето дете кое веќе е тинејџер.“

Кога тинејџерот сака да зборува – независно со што се занимавате докажете дека сте на располагање. Вие секогаш треба да сте тука – за него. Оставете го телефон, исклучете го телевизорот, одете на некое место каде би биле сами и дајте му го целото свое внимание на тинејџерот. Понекогаш на тинејџерите им е тешко да ги споделат своите проблеми со вас, но кога ќе им покажете дека сте на нивно располагање секогаш кога им требате, на децата им станува малку полесно да разговараат и да споделуваат. Тинејџерот ќе почувствува дека може да се потпре на вас повторно, ако првиот пат сте му дале целосно внимание.

Прочитајте:  Како да одберете милениче за вашето дете

2. Одредете ден, кој ќе биде само ваш

Одберете ден или два во месецот во кои ќе сте само вие и вашето дете. Одете на вечера или на кино, прошетајте се во паркот, јаете сладолед заедно на неговото омилено место. Идејата е да се оттргнете од сè што го претставува вашиот секојдневен живот. И запомнете – никакви роднини и пријатели – само вие.

3. Чувајте ги советите за себе

Освен ако тинејџерот не побара, не претерувајте со совети. Сте имале време во кое требало да ги предадете важните лекции на своите деца. Сега тие се млади и се чувствуваат подготвени за животот. Не е потребно да ги опсипувате со совети, кои тие не сакаат да ги чујат, бидејќи така никогаш нема да се свртат кон вас за помош повторно. Бидете им поддршка во одлуките кои ги превземаат и доколку сметате дека е потребно да дадете некаков совет, направете го тоа преку примери. Потрудете се да им докажете дека за вас тоа се индивидуи кои имаат право на одлуки и бидете пријатели кои се секогаш тука.


Споделете со пријателите!