dali-da-zaminete-na-studii-vo-stranstvo_image
Споделете со пријателите!

Средното или факултетското образование во странство ќе ви помогне во подобрувањето на јазичните и комуникациските способности.
Секој барем еднаш во животот посакал да замине на едногодишни или двегодишни студии во странство. Денеска можностите за студирање во странство се големи бидејќи сè повеќе земји во светот нудат квалитетни студиски програми што на младите им обезбедуваат поволни услови за живеење и учење.

Кои се предностите на студирањето во странство?

Покрај возбудата што ја нуди патувањето и живеењето во нова, непозната држава, една од предностите на студирањето во странство е можноста да искусите нови обичаи, култури, храна, уметност, музика и политика, како и да запознаете многу различни луѓе и да научите нов светски јазик, настрана од мајчиниот.

Студирање во странство ќе ви помогне да стекнете самодоверба, независност и зрелост. Меѓу другото, ќе ви помогне полесно да се прилагодите на транзицијата од основно кон средно училиште или од средно училиште кон факултет.

Средното или факултетското образование во странство ќе ви помогне во подобрувањето на јазичните и комуникациските способности што претставува голема позитивна страна кога станува збор за идното барање работа. Освен тоа, студирањето во странство обезбедува стекнување на лидерски вештини што би ви помогнале да се снајдете понатаму на било кое место во светот.

Дали сте добар кандидат?

Како да знаете дали сте добар кандидат за студирање во странство? Иако многу студиски програми имаат одредени академски барања, вообичаено не е потребно да се има највисоки оценки и просек за да се запишете на некоја од истите.
dali-da-zaminete-na-studii-vo-stranstvo_image1

Студиските програми се создадени за студенти кои се независни, самоуверени, уживаат во нови искуства и запознавање на различни типови на луѓе, како и млади коишто ќе можат да се справат со новите предизвици. Денеска многу програми за студирање нудат и поволно сместување на средношколците и студентите во удобни студентски домови, како и во семејства-домаќини.

Прочитајте:  Победете ја зависноста од гледање телевизија

Но доколку сакате да студирате во странство треба да бидете подготвени да се соочите со нови околности, околини и предикаменти.

Затоа запрашајте се:

  • Дали сте подготвени да искусите нови работи?
  • Дали сте подготвени сами да донесувате одлуки?
  • Дали сте подготвени да се справите со промените?
  • Дали сакате да ризикувате?
  • Дали ќе можете да ги исполните академските барања?
  • Дали студентската програма којашто ќе ја одберете ќе биде прифатена онаму каде што би сакале да работите во иднина?

Ако не сакате промени и не ви се допаѓа идејата да се осамостоите и да преземате одговорности, тогаш студирањето во странство можеби не е за вас. Она што е најважно е да мислите на вашата зона на удобност и да бидете искрени со себе во врска со тоа дали студирањето далеку од дома е она што навистина ви треба и го посакувате.

Разговорот со родителите

Доколку сметате дека заминувањето во странство е за вас, а сте загрижени дека вашите родители не би се согласиле на идејата, потребно е да поразговарате со нив пред да донесе одлука. Објасните им дека сте подготвени да го направите тој голем чекор и дека токму тоа ви е потребно за да се осамостоите.

Обидете се искрено да им објасните зошто всушност сакате да студирате во странство. Нагласете ги главните позитивни предности на студирањето во странство, меѓу кои се широкиот спектар на академски можности, како и проширувањето на вашите хоризонти, зголемувањето на вашата зрелост и самодоверба.


Споделете со пријателите!