За биполарното растројство не постои лек, но постојат многу опции за третирање на истото кои можат да помогнат во справувањето со симптомите.
Што е биполарно растројство?
Биполарното растројство е ментална болест означена со екстремни промени во расположението. Симптомите може да вклучуваат екстремна еуфоричност и обземеност наречено манија, но може да вклучуваат и епизоди на депресија. Биполарното растројство е, исто така, познато како биполарно заболување или манична депресија.
Луѓето со биполарно растројство може да имаат проблеми во управувањето со секојдневните задачи на училиште или на работа, како и во одржувањето на врските со семејството и пријателите. За биполарното растројство не постои лек, но постојат многу опции за третирање на истото кои можат да помогнат во справувањето со симптомите.
Факти за биполарното нарушување
Биполарното растројство не е ретко нарушување на мозокот. Всушност во САД на 2,8 отсто од населението или на околу 5 милиони луѓе им е дијагностицирана оваа состојба. Просечната возраст на една личност кога симптомите на биполарно растројство може да станат видливи е 25 години.
Депресијата предизвикана од биполарно растројство трае најмалку две недели. Маничната епизода може да трае неколку дена или недели. Некои луѓе може да доживеат епизоди на промени во расположението неколку пати во годината, додека кај други може поретко да се јавуваат.
Симптоми на биполарно растројство
Иако не е ретка состојба, биполарното растројство може да биде тешко за дијагностицирање поради различните симптоми. Постојат три главни симптоми кои можат да се појават кај лицата со биполарно растројство коишто се манија, хипоманија и депресија.
Кога лицата со биполарно растројство доживуваат манија може да се чувствуваат емотивно. Маничните епизоди може да се манифестираат со возбуда, импулсивност, еуфорија и енергичност.
Хипоманијата е генерално поврзана со типот на биполарно растројство II. Таа е слична на манијата, но не е толку сериозна. За разлика од манијата, хипоманијата не може да резултира со проблеми на работа, училиште или во социјалните односи. Сепак, кај луѓето со хипоманија се забележуваат промени во расположението.
За време на епизодите на депресија, лицата со биполарно растројство може да доживеат длабока тага, безнадежност, губење на енергијата, недостаток на интерес за активности што некогаш ги сакале, периоди на премалку или премногу спиење и самоубиствени мисли.
Видови на биполарно растројство
Постојат три главни типови на биполарно растројство: биполарно растројство I, биполарно растројство II и циклотомија или циклотомично растројство.
Биполарно растројство I
Биполарното растројство I е дефинирано со појавата на барем една манична епизода. Лицата со овој тип на растројство може да почувствуваат хипомански или големи депресивни епизоди пред и по маничната епизода. Овој тип на биполарно растројство може подеднакво да се појави кај мажите и жените.
Биполарно растројство II
Луѓето со овој тип на биполарно растројство се соочуваат со една голема депресивна епизода која трае најмалку две недели. Тие, исто така, имаат барем една хипоманска епизода која трае околу четири дена. Овој тип на биполарно растројство се смета дека е почест кај жените.
Циклотомично растројство
Луѓето со циклотомија имаат епизоди на хипоманија и депресија. Овие симптоми се пократки и помалку сериозни од манијата и депресијата предизвикана од биполарното растројство I или биполарното растројство II.
Причини за заболување од биполарно растројство
Експертите и истражувачите сè уште со сигурност не знаат што точно може да влијае на развојот на биполарно растројство кај едно лице. Можни причини за биполарно растројство се:
Генетика
Ако вашиот родител или брат или сестра имаат биполарно растројство, поверојатно е од другите да ја развијат состојбата. Сепак, важно е да се има на ум дека повеќето луѓе кои имаат биполарно растројство во нивната семејна историја не го развиваат.
Мозок
Структурата на мозокот може да влијае на ризикот од болеста. Абнормалности во структурата или функциите мозокот може да го зголемат ризикот за заболување од биполарно растројство.
Надворешни фактори
Надворешни фактори може да придонесат за развивање на некој тип на биполарно расројство меѓу кои:
- Екстремен стрес;
- Трауматски искуства:
- Физичка болест.
Секој од овие фактори може да влијае врз развојот на биполарно растројство. Меѓутоа, поверојатно е дека комбинацијата на фактори придонесува за развој на болеста.
